കോഴിക്കോട്∙ ജാമ്യത്തിൽ ഇറങ്ങി കോടതിയിൽ ഹാജരാകാതെ വിദേശത്തേക്കു കടന്ന ചേളന്നൂർ സ്വദേശി കനോലി വീട്ടിൽ രാഹുൽ കനോലി(37)യെ നടക്കാവ് പൊലീസ് പിടികൂടി. 2012 മേയ് ആദ്യവാരം മാവൂർ റോഡ് മർകസ് കോംപ്ലക്സിലെ സെൽസിറ്റി എന്ന കടയിൽ അനുമതി ഇല്ലാതെ കോപ്പിറൈറ്റ് ആക്ടിനു വിരുദ്ധമായി സിനിമാഗാനങ്ങൾ മൊബൈൽ ഫോണിൽ റെക്കോർഡ് ചെയ്ത് കൊടുത്ത കേസിലാണ് അറസ്റ്റ്.
തുടർന്ന് ജാമ്യത്തിലിറങ്ങിയ പ്രതി കോടതിയിൽ ഹാജരാകാതെ വിദേശത്തേക്കു കടന്നു. കരിപ്പൂരിൽ വിമാനം ഇറങ്ങിയ പ്രതിയെ എമിഗ്രേഷൻ വിഭാഗം തടഞ്ഞു.
പിന്നീട് നടക്കാവ് പൊലീസ് സ്റ്റേഷൻ ഇൻസ്പെക്ടർ പ്രജീഷിന്റെ നേതൃത്വത്തിൽ എസ്ഐ സുജീഷ്, സന്ദീപ്, സിപിഒ അർജുൻ എന്നിവർ ചേർന്ന് കസ്റ്റഡിയിൽ എടുത്തു കോടതിയിൽ ഹാജരാക്കി. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
