കാറ്റിൽ തോട്ടിലേക്ക് വീണ മരങ്ങൾ നീക്കുന്നില്ല

ആർപ്പൂക്കര ∙ കാറ്റിലും മഴയിലും തോട്ടിലേക്കു വീണ വൻമരങ്ങൾ മാസങ്ങൾ കഴിഞ്ഞിട്ടും നീക്കാത്തതിനാൽ മാലിന്യങ്ങൾ അടിഞ്ഞുകൂടുന്നു. സുബ്രഹ്മണ്യ ക്ഷേത്രത്തിനു സമീപത്തെ കോനാകരി തോട്ടിലാണു കൂറ്റൻ ആഞ്ഞിലിയും പുളി മരവും ഒടിഞ്ഞു വീണത്.

മരത്തിന്റെ ചില ഭാഗങ്ങൾ മറുവശത്തെ ചിറയിൽ വാര്യത്ത് സുരേഷ് ബാബുവിന്റെ വീടിനു മുകളിൽ പതിച്ച് വീടിനു ചെറിയ കേടുപാടുകൾ സംഭവിച്ചിരുന്നു.വെള്ളപ്പൊക്കത്തിൽ ഒഴുകിവന്ന പ്ലാസ്റ്റിക് ഉൾപ്പെടെയുള്ള മാലിന്യങ്ങളും പോളയും മരത്തടികളിൽ കുരുങ്ങിക്കിടന്നു വെള്ളമൊഴുക്കു തടസ്സപ്പെടുന്നുണ്ട്.
അതിനാൽ ശക്തമായ മഴയിൽ മീനച്ചിലാറ്റിൽ നിന്നെത്തുന്ന വെള്ളം ഒഴുകിപ്പോകാതെ സമീപത്തെ വീടുകളിൽ കയറുന്നതായി പരാതിയുണ്ട്.ഒട്ടേറെ പ്രാവശ്യം പരാതി നൽകിയെങ്കിലും അധികൃതർ നടപടിയെടുത്തില്ലെന്നു നാട്ടുകാർ പറഞ്ഞു. തോട്ടിൽ വീണ മരങ്ങൾ ഉടൻ മുറിച്ചുമാറ്റി വെള്ളമൊഴുക്ക് പുനഃസ്ഥാപിക്കണമെന്നാണ് ആവശ്യം.

…