മുക്കം∙ നീലേശ്വരം ജുമുഅ മസ്ജിദിൽ പട്ടാപ്പകൽ മോഷണം നടത്തിയ സംഭവത്തിൽ വടകര വില്ല്യാപ്പിള്ളി സ്വദേശി മിഹാൽ മൊയ്തീൻ കുട്ടിയെ പൊലീസ് പിടികൂടി. കഴിഞ്ഞ മാസം പള്ളിയിലെ മുസല്യാരുടെ 9500 രൂപ മോഷ്ടിച്ചിരുന്നു.
സിസിടിവി ദൃശ്യം സഹിതം പള്ളി കമ്മിറ്റി പൊലീസിൽ പരാതി നൽകിയിരുന്നു. ഇതിന്റെ അടിസ്ഥാനത്തിൽ നടത്തിയ അന്വേഷണത്തിലാണ് പ്രതിയെ കോഴിക്കോട് വച്ച് പിടികൂടിയത്.
കഴിഞ്ഞ മാസം 18 ന് ആണ് മോഷണം നടത്തിയത്.
അതിന് ഒരു ദിവസം മുൻപ് മിഹാലിനെയും സുഹൃത്ത് അനീസിനെയും കഞ്ചാവ് കേസിലും പൊലീസ് പിടികൂടിയിരുന്നു. കഞ്ചാവിന്റെ അളവ് കുറവായതിനാൽ സ്റ്റേഷൻ ജാമ്യത്തിൽ വിടുകയായിരുന്നു.
മോഷണത്തിന് ശേഷം കൊടൈക്കനാലിലേക്ക് കടന്ന പ്രതിയെ സൈബർ സെല്ലിന്റെ സഹായത്തോടെ നിരീക്ഷിച്ച് വരികയായിരുന്നു. എസ്ഐ ജയമോദ്, കെ.എം.അനീസ്, എന്നിവരുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
