കൊച്ചി ∙ തിരുവനന്തപുരം വഞ്ചിയൂരിൽ യുവ അഭിഭാഷകയെ ക്രൂരമായി മര്‍ദിച്ചെന്ന കേസിലെ പ്രതി ബെയ്‌ലിന്‍ ദാസിന് അഭിഭാഷകനായി പ്രാക്ടീസ് ചെയ്യാനുള്ള വിലക്ക് പിന്‍വലിച്ച് കേരള ബാര്‍ കൗണ്‍സില്‍. ബെയ്‌ലിന്‍ ദാസിന് നിബന്ധനകള്‍ക്ക് വിധേയമായി പ്രാക്ടീസ് ചെയ്യാൻ അനുമതി നൽകിയതായി ബാർ കൗൺസിൽ ഹൈക്കോടതിയെ അറിയിച്ചു. അഭിഭാഷകയെ മര്‍ദിച്ചെന്ന കേസിലെ ജാമ്യവ്യവസ്ഥയില്‍ ഇളവ് നേടുന്നതിന് അനുസൃതമായിട്ടായിരിക്കും പ്രാക്ടീസ് ചെയ്യാനുള്ള അനുമതി.
സസ്‌പെന്‍ഷന്‍ നടപടി ചോദ്യം ചെയ്ത് ബെയ്‌ലിന്‍ ദാസ് ഹൈക്കോടതിയില്‍ നല്‍കിയ ഹര്‍ജിയിലാണ് ബാര്‍ കൗണ്‍സില്‍ നിലപാട് അറിയിച്ചത്.
നേരത്തെ കർശനമായ നടപടികളാണ് ബാർ കൗൺസിൽ ബെയ്‍ലിൻ ദാസിനെതിരെ സ്വീകരിച്ചിരുന്നത്. തുടർന്ന് സസ്‌പെന്‍ഷന്‍ നടപടിക്കെതിരെ ബെയ്‌ലിന്‍ ദാസ് ഹൈക്കോടതിയെ സമീപിക്കുകയായിരുന്നു.
ജസ്റ്റിസ് വി.ജി.അരുണിന്റെ ബെഞ്ച് ഇന്ന് ഹര്‍ജി തീര്‍പ്പാക്കി. ഇക്കഴിഞ്ഞ മേയ് 13നാണ് വഞ്ചിയൂര്‍ കോടതിയിലെ യുവ അഭിഭാഷകയെ വക്കീല്‍ ഓഫീസില്‍ വെച്ച് ബെയ്‌ലിന്‍ ദാസ് മര്‍ദ്ദിച്ചത്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
