വ്യാപക പ്രതിഷേധം; ത്രിഭാഷാ നയത്തിൽനിന്നു പിന്മാറി മഹാരാഷ്ട്ര സർക്കാർ; നിർദേശം സമർപ്പിക്കാൻ കമ്മിറ്റി
മുംബൈ ∙ ഒന്നു മുതൽ അഞ്ച് വരെയുള്ള ക്ലാസുകളിൽ ഹിന്ദി ഭാഷ നിര്ബന്ധമാക്കാനുള്ള തീരുമാനത്തില്നിന്നു മഹാരാഷ്ട്ര സര്ക്കാര് പിന്മാറി. ഞായറാഴ്ച ചേര്ന്ന മന്ത്രിസഭായോഗത്തിലാണ് തീരുമാനം.
ത്രിഭാഷാ നയത്തിനെതിരെ വ്യാപക പ്രതിഷേധം ഉയർന്നതിനു പിന്നാലെയാണ് സർക്കാർ നടപടി. ത്രിഭാഷാ നയം പ്രായോഗികമാണോ, അത് എങ്ങനെ നടപ്പിലാക്കണം എന്നീ കാര്യങ്ങളില് നിർദേശം സമര്പ്പിക്കാന് ഡോ.
നരേന്ദ്ര ജാധവ് കമ്മിറ്റിക്ക് രൂപം നൽകിയതായി മുഖ്യമന്ത്രി ദേവേന്ദ്ര ഫഡ്നാവിസ് പറഞ്ഞു.
Also Read
ഉദ്ധവ് താക്കറെ സര്ക്കാരിന്റെ കാലത്ത് ഒന്നുമുതല് 12 വരെയുള്ള ക്ലാസുകളില് ത്രിഭാഷാ നയം നടപ്പിലാക്കാനുള്ള ശുപാര്ശ അംഗീകരിച്ചിരുന്നതാണെന്ന് മുഖ്യമന്ത്രി ദേവേന്ദ്ര ഫഡ്നവിസ് പറഞ്ഞു. ഏപ്രില് 16നാണ് ഇംഗ്ലിഷിനും മറാഠിക്കും പുറമെ ഒന്നുമുതല് അഞ്ചുവരെയുള്ള ക്ലാസുകളില് ഹിന്ദി പഠനം കൂടി നിര്ബന്ധമാക്കി മഹാരാഷ്ട്ര സര്ക്കാര് തീരുമാനമെടുത്തത്.
ഉദ്ധവ് താക്കറെയുടെ ശിവസേന മറാഠ വിഷയം ഉയർത്തിക്കാട്ടി പ്രതിഷേധം സംഘടിപ്പിക്കാന് ശ്രമിക്കുന്നതിനിടെയാണ് സർക്കാരിന്റെ പിന്നോട്ട് പോക്ക്.
Disclaimer: ഈ വാർത്തയ്ക്കൊപ്പം ഉപയോഗിച്ചിരിക്കുന്ന ചിത്രം മലയാള മനോരമയുടേതല്ല. ഇത് (news.afp.com) നിന്ന് എടുത്തിട്ടുളളതാണ്.
ഈ വാർത്ത കൂടുതൽ വ്യക്തവും സമഗ്രവുമാക്കുന്നതിനാണ് ഈ ചിത്രം ഉപയോഗിച്ചിരിക്കുന്നത്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
