വഴി തെറ്റിയെത്തിയ പ്ലൈവുഡ് കയറ്റിയ ലോറി വീടിനു മുന്നിലേക്ക് മറിഞ്ഞു; വൻ അപകടം ഒഴിവായി
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
തളിപ്പറമ്പ്∙ പൂമംഗലത്ത് പ്ലൈവുഡുമായി പോകുകയായിരുന്ന ലോറി വീടിനു മുന്നിലേക്ക് മറിഞ്ഞു. ഞായർ രാത്രി 11.30 നാണ് സംഭവം. വീടിനും മുറ്റത്തുണ്ടായിരുന്ന വാഹനങ്ങൾക്കും കേടുപാടുകൾ സംഭവിച്ചു. റോഡരികിലെ ട്രാൻസ്ഫോർമറും തകർന്നു. ലോറിയിൽ ഉണ്ടായിരുന്നവർ കാര്യമായ പരുക്കേൽക്കാതെ രക്ഷപ്പെട്ടു. കുറുമാത്തൂർ കൂനത്തുള്ള പ്ലൈവുഡ് ഫാക്ടറിയിൽ നിന്ന് യുപിയിലേക്ക് പോകുകയായിരുന്നു ട്രക്ക്. കുത്തനെ ഇറക്കവും കൊടും വളവുകളും ഉള്ള പൂമംഗലം ക്ഷേത്രം റോഡിലേക്ക് ലോറി വഴി തെറ്റി എത്തിയതാണെന്ന് കരുതുന്നു. വളവിൽ നിയന്ത്രണം ലോറി റോഡരികിലെ ട്രാൻസ്ഫോമറും പോസ്റ്റുകളും ഇടിച്ചു തകർത്താണ് തെക്കിനി പുരയിൽ സഹദേവന്റെ വീട്ടുമുറ്റത്തേക്ക് മറിഞ്ഞത്. രണ്ടുപേരാണ് ലോറിയിൽ ഉണ്ടായിരുന്നത്. ഡ്രൈവർ കാലിന് ചെറിയ പരുക്കുകളോടെ രക്ഷപ്പെട്ടു.
