ന്യൂഡല്‍ഹി: ഡല്‍ഹിയിലെ ആര്‍കെ പുരം പോലീസ് സ്റ്റേഷന്‍ പരിധിയില്‍ ഞായറാഴ്ച പുലര്‍ച്ചെ അജ്ഞാതരുടെ വെടിയേറ്റ് രണ്ട് സ്ത്രീകള്‍ മരിച്ചു.
രണ്ട് സ്ത്രീകളെയും ഉടന്‍ തന്നെ ആശുപത്രിയില്‍ എത്തിച്ചെങ്കിലും മരണത്തിന് കീഴടങ്ങിയതായി പോലീസ് പറഞ്ഞു.
അംബേദ്കര്‍ ബസ്തിയില്‍ വച്ച് ഫോണില്‍ വിളിച്ചയാളുടെ സഹോദരിമാരെ ചിലര്‍ വെടിവെച്ചുകൊന്നതായി ആര്‍കെ പുരം പോലീസ് സ്റ്റേഷനില്‍ പുലര്‍ച്ചെ 4:40 ന് പോലീസിന് ഒരു കോള്‍ ലഭിച്ചതായി സൗത്ത് വെസ്റ്റ് ഡല്‍ഹി ഡെപ്യൂട്ടി പോലീസ് കമ്മീഷണര്‍ മനോജ് സി പറഞ്ഞു.
കോളിനെ തുടര്‍ന്ന് സ്ഥലത്തെത്തിയ പോലീസ് സംഘം പിങ്കി (30), ജ്യോതി (29) എന്നീ രണ്ട് സ്ത്രീകളെ വെടിയേറ്റ് എസ്‌ജെ ആശുപത്രിയിലേക്ക് മാറ്റിയെങ്കിലും അവര്‍ മരണത്തിന് കീഴടങ്ങി.
വെടിയുതിര്‍ത്തവര്‍ ഇരകളുടെ സഹോദരനെ തിരയുകയായിരുന്നെന്നും പണമിടപാട് പ്രശ്നമാണ് വെടിവെപ്പിന് പിന്നിലെ കാരണമെന്ന് സംശയിക്കുന്നതായും പോലീസ് പറഞ്ഞു. അന്വേഷണത്തിന് ശേഷമേ കൃത്യമായ കാരണം വ്യക്തമാകൂ, പോലീസ് ഉദ്യോഗസ്ഥര്‍ പറഞ്ഞു.
The post appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
