വിദ്വാൻ പി കേളു നായർ സ്മാരക പുരസ്കാരം പ്രശാന്ത് നാരായണന്
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
കാഞ്ഞങ്ങാട്∙ നെഹ്റു ബാലവേദി സർഗവേദി ഏർപ്പെടുത്തിയ വിദ്വാൻ പി. കേളു നായർ പുരസ്കാരം പ്രശാന്ത് നാരായണന്. മരണാനന്തര ബഹുമതിയായാണ് പുരസ്കാരം. നാടക മേഖലയിലെ മുപ്പത്തിയഞ്ചു വർഷക്കാലത്തെ പ്രശാന്ത് നാരായണന്റെ പ്രവർത്തനങ്ങളെ കണക്കിലെടുത്താണ് അവാർഡിനായി തിരഞ്ഞെടുത്തത് എന്ന് ജൂറി വിലയിരുത്തി.
സ്വാതന്ത്ര്യ സമര സേനാനി, സാമൂഹിക വിപ്ലവകാരി, കവി, നാടകകൃത്ത്, നടൻ, രംഗ ശിൽപി, സംവിധായകൻ, സംഗീതജ്ഞൻ, ഗായകൻ, വാഗ്മി, വിദ്യാഭ്യാസ പ്രവർത്തകൻ, അധ്യാപകൻ എന്നിങ്ങനെ മായാത്ത വ്യക്തിമുദ്ര പതിപ്പിച്ച അസാധാരണ പ്രതിഭയായിരുന്നു കേളു നായർ. വിജ്ഞാനദായിനി ദേശീയ വിദ്യാലയത്തിന്റെ അമരക്കാരനായി നിന്ന് വെള്ളിക്കോത്തിന്റെ സാംസ്കാരിക പാരമ്പര്യത്തിന് അടിത്തറ പാകിയ വ്യക്തി കൂടിയാണ് അദ്ദേഹം. അദ്ദേഹത്തിന്റെ പേരിൽ ഏർപ്പെടുത്തിയ പ്രഥമ പുരസ്കാരം അന്തരിച്ച പ്രമുഖ നാടകകാരൻ പ്രശാന്ത് നാരായണന് നൽകുന്നതിൽ ചാരിതാർഥ്യമുണ്ടെന്ന് സംഘടനയുടെ ഭാരവാഹികൾ അഭിപ്രായപ്പെട്ടു.
പത്രപ്രവർത്തകൻ ശശിധരൻ മംഗത്തിൽ, ക്ലബിന്റെ യുഎഇ കമ്മിറ്റി രക്ഷാധികാരി പി. വിജയകുമാർ, ആർട്ടിസ്റ്റ് ശശിധരൻ വെള്ളിക്കോത്ത് എന്നിവരാണ് അവാർഡ് ജേതാവിനെ തിരഞ്ഞെടുത്തത്. പതിനയ്യായിരം രൂപയും ശിൽപവും പ്രശസ്തി പത്രവും അടങ്ങുന്ന അവാർഡ് 2025 മെയ് പതിനൊന്നാം തീയതി വെള്ളിക്കോത്ത് വച്ച് നടക്കുന്ന വിദ്വാൻ പി കേളു അനുസ്മരണ പരിപാടിയിൽ വിതരണം ചെയ്യും.
