കാട്ടാന തുമ്പിക്കൈ കൊണ്ട് ചുഴറ്റിയെറിഞ്ഞു; ഗൃഹനാഥന് പരുക്ക്
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
മറയൂർ ∙ കാട്ടാനയാക്രമണത്തിൽനിന്നു പരുക്കുകളോടെ ഗൃഹനാഥൻ രക്ഷപ്പെട്ടു. പെരടിപള്ളം സ്വദേശി മുനിയസ്വാമിയെ (48) പരുക്കുകളോടെ അടിമാലി താലൂക്കാശുപത്രിയിൽ പ്രവേശിപ്പിച്ചു.
മകളുടെ വീട്ടിൽ നിന്നു പാമ്പൻപാറയിലെ ജോലിസ്ഥലത്തേക്കു പോയപ്പോൾ ഒറ്റയാന്റെ മുന്നിൽപെടുകയായിരുന്നു. ഒറ്റയാൻ തുമ്പിക്കൈ കൊണ്ട് ചുഴറ്റിയെറിഞ്ഞെന്നാണു മുനിയസ്വാമി പറയുന്നത്. ഞായറാഴ്ച രാത്രി 11.30ന് ആണു സംഭവം. വനംവകുപ്പ് ഉദ്യോഗസ്ഥരും നാട്ടുകാരും ചേർന്നാണ് താലൂക്കാശുപത്രിയിലേക്കു കൊണ്ടുപോയത്. തലയ്ക്കും കാലിനും കയ്യിനുമാണു പരുക്ക്.
