പത്തനംതിട്ട: കൂടലിൽ 14കാരനെ ക്രൂരമായി മർദിച്ച പിതാവ് രാജേഷ് കുമാർ അറസ്റ്റിൽ. കുട്ടിയെ സംരക്ഷിക്കാൻ ബാദ്ധ്യതയുള്ള പിതാവ് ദേഹോപദ്രവം ഏൽപ്പിച്ച് അപായപ്പെടുത്താൻ ശ്രമിച്ചെന്നാണ് എഫ്ഐആർ. കുട്ടിയുടെ മർമ്മ ഭാഗത്തും തുടയിലും വയറിലും ബെൽറ്റ് കൊണ്ട് അടിച്ചു. ജുവനെെയിൽ ജസ്റ്റിസ് ആക്ട് അടക്കം വകുപ്പുകൾ ചുമത്തി ഇന്നലെ പൊലീസ് കേസെടുത്തിയിരുന്നു. പിന്നാലെ ഇന്ന് രാവിലെ പിതാവിന്റെ അറസ്റ്റ് രേഖപ്പെടുത്തുകയായിരുന്നു.
ഇന്നലെയാണ് സംഭവവുമായി ബന്ധപ്പെട്ട് വീഡിയോ പുറത്തുവന്നത്. ചൈൽഡ് വെൽഫയർ കമ്മിറ്റിയാണ് (സിഡബ്ല്യുസി) പൊലീസിന് പരാതി നൽകിയത്. ബെൽറ്റ് ഉപയോഗിച്ച് കുട്ടിയെ അടിക്കുന്നത് പുറത്തുവന്ന ദൃശ്യങ്ങളിൽ കാണാം. കൂടൽ സ്റ്റേഷൻ പരിധിയിലെ നെല്ലി നുരുപ്പ എന്ന സ്ഥലത്തുള്ള വീട്ടിലാണ് സംഭവമുണ്ടായത്. തുറന്നിട്ടിരുന്ന വാതിലിലൂടെ ഒരു ബന്ധുവാണ് വീഡിയോ ചിത്രീകരിച്ചത്. പിന്നാലെ ദൃശ്യങ്ങൾ സിഡബ്യുസി ചെയ‌ർമാന് നൽകി. പ്രാഥമികാന്വേഷണം നടത്തിയ ശേഷം ദൃശ്യങ്ങൾ സഹിതം കൂടൽ സർക്കിൾ ഇൻസ്‌പെക്‌ടർക്ക് പരാതി നൽകുകയായിരുന്നു. കുട്ടിയുടെ പിതാവ് ലഹരിക്കടിമയാണെന്നാണ് സൂചന.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
