പ്രതിപക്ഷ നേതാവിനോട് ആർട്ടിക്കിൾ വായിക്കാൻ പറയൂ, വിവാദം വേണ്ടെങ്കിൽ എന്റെ അഭിപ്രായം ചോദിക്കരുത്

തിരുവനന്തപുരം: പ്രധാനമന്ത്രി നരേന്ദ്ര മോദിയുടെ അമേരിക്കൻ സന്ദർശനത്തെ കുറിച്ചും, കേരളത്തിലെ വ്യവസായ അന്തരീക്ഷത്തെ കുറിച്ചും പറഞ്ഞ കാര്യങ്ങളിൽ പിന്നോട്ടില്ലെന്ന് ശശി തരൂർ എം.പി. മോദിയുടെ യുഎസ് സന്ദർശനം പ്രതീക്ഷനൽകുന്നതാണെന്നും, രണ്ട് മിനിറ്റ് കൊണ്ട് വ്യവസായം തുടങ്ങാനുള്ള സംവിധാനം കേരളത്തിൽ അത്ഭുതകരമായ മാറ്റമാണെന്നുമായിരുന്നു തരൂരിന്റെ ലേഖനം.

കേന്ദ്ര-സംസ്ഥാന സർക്കാരുകൾ നല്ലത് ചെയ‌്താൽ നല്ലതെന്നും, മോശം കാര്യങ്ങൾ ചെയ‌്താൽ മോശമെന്നും പറയാൻ മടിക്കാത്ത ആളാണ് താൻ. നമ്മുടെ കുട്ടികളുടെ ഭാവിക്ക് വേണ്ടി ഇവിടെ നിക്ഷേപം ആവശ്യമാണ്. സംരംഭങ്ങൾ വേണ്ടതാണ്. രാഷ്‌ട്രീയത്തിന് അതീതമായി ചില കാര്യങ്ങൾ കാണണം. കേരളത്തിലുള്ളവർ രാഷ്‌ട്രീയം കൂടുതൽ കണ്ടിട്ടുണ്ട്, പക്ഷേ വികസനം കണ്ടത് പോരാ.

എല്ലാ കണക്കുകളും നോക്കിയാണ് ഞാൻ പറഞ്ഞത്. പ്രതിപക്ഷ നേതാവിനോട് എന്റെ ആർട്ടിക്കിൾ വായിക്കാൻ പറയണം. മുൻപ് തടസങ്ങൾ മാത്രം കൊണ്ടുവന്നുകൊണ്ടിരുന്ന ഒരു വിഭാഗം ഇപ്പോൾ കാര്യങ്ങൾ ചെയ്യുന്നതിനെ കുറിച്ചാണ് ചൂണ്ടിക്കാട്ടിയത്. അത് കാണാതിരിക്കാൻ കഴിയില്ല.

ജനങ്ങൾക്ക് വേണ്ടി രാഷ്‌ട്രീയത്തിന് അതീതമായി ചിന്തിക്കണം. ഭരണപക്ഷം എന്തുചെയ‌്താലും തെറ്റാണെന്ന് പ്രതിപക്ഷം പറയുന്നതിൽ അദ്ധമില്ലെന്ന് തരൂർ വ്യക്തമാക്കി.

…