തിയേറ്ററിൽ റിലീസ് ചെയ്ത അന്നുമുതൽ വാർത്തകളിൽനിന്ന് ഇറങ്ങാൻ സാധിച്ചിട്ടില്ല അല്ലു അർജുൻ-സുകുമാർ ടീമിന്റെ പുഷ്പ 2-ന്. തിക്കിലും തിരക്കിലുംപെട്ട് യുവതി മരിച്ചതും അല്ലു അർജുന്റെ അറസ്റ്റും അദ്ദേഹം നേരിട്ട വിമർശനങ്ങളുമെല്ലാം തുടർച്ചയായി വാർത്തകളിലും സോഷ്യൽ മീഡിയ ചർച്ചകളിലും നിറഞ്ഞുനിന്നു. കഴിഞ്ഞ ദിവസമാണ് ചിത്രം ഒ.ടി.ടി റിലീസായത്. അപ്പോഴും പുഷ്പ 2-ന് ചർച്ചകളിൽനിന്നൊരു മോചനം ആയിട്ടില്ല. ഇത്തവണ പക്ഷേ രൂക്ഷമായ പരിഹാസമാണ് ചിത്രം നേരിടുന്നതെന്നുമാത്രം.
പുഷ്പ 2-ന്റെ ക്ലൈമാക്സ് സംഘട്ടനരംഗമാണ് പുതിയ ചർച്ചകൾക്കും ട്രോളുകൾക്കും കാരണം. ഗുണ്ടകളിൽ നിന്നും തന്റെ സഹോദരന്റെ മകളെ രക്ഷിക്കുകയാണ് അല്ലു അർജുൻ അവതരിപ്പിച്ച പുഷ്പ എന്ന കഥാപാത്രം. വില്ലന്മാരെ ഒന്നടങ്കം ഇല്ലാതാക്കുകയാണ് പുഷ്പ. തിയേറ്ററുകളിൽ വലിയ കയ്യടി കിട്ടിയ സംഘട്ടനരംഗം ഒ.ടി.ടിയിൽ രൂക്ഷമായ പരിഹാസമാണ് ഏറ്റുവാങ്ങുന്നത്. നായകനെ മാസ് പരിവേഷത്തിൽ അവതരിപ്പിച്ച ക്ലൈമാക്സിലെ ചില രംഗങ്ങൾ കുറച്ച് അതിമാനുഷികമായിപ്പോയെന്നാണ് റെഡ്ഡിറ്റ് സോഷ്യൽ മീഡിയാ പ്ലാറ്റ്ഫോമിൽ നടക്കുന്ന ചർച്ചയിൽ ഉയർന്നുവന്ന അഭിപ്രായം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
