സ്വന്തം ലേഖകൻ കൊച്ചി: രാഷ്ട്രപതി ദ്രൗപദി മുര്മു രണ്ടു ദിവസത്തെ ഔദ്യോഗിക സന്ദര്ശനത്തിന് കേരളത്തില് എത്തും. നാളെ ഉച്ചയ്ക്ക് 1.30ന് രാഷ്ട്രപതി കൊച്ചിയിലെത്തും.
17ന് തിരുവനന്തപുരത്തെ കുടുംബശ്രീയുടെ പരിപാടിയിലും പങ്കെടുത്ത ശേഷമായിരിക്കും മടക്കം. നാവികസേനയുടെ വിമാനവാഹിനിക്കപ്പലായ ഐഎന്എസ് വിക്രാന്ത് രാഷ്ട്രപതി സന്ദര്ശിക്കും.
തുടര്ന്ന് നാളെ വൈകിട്ട് 4.20ന് നടക്കുന്ന ചടങ്ങില് നാവികസേനയുടെ ഭാഗമായ ഐഎന്എസ് ദ്രോണാചാര്യയ്ക്കു രാഷ്ട്രപതിയുടെ ഉയര്ന്ന ബഹുമതിയായ ‘നിഷാന്’ ദ്രൗപദി മുര്മു സമ്മാനിക്കും. രാത്രി തിരുവനന്തപുരത്തേക്കു തിരിക്കുന്ന രാഷ്ട്രപതി 17ന് രാവിലെ 9.30ന് ഹെലികോപ്ടറില് കൊല്ലം വള്ളിക്കാവില് മാതാ അമൃതാനന്ദമയി മഠത്തിലേക്കു പോകും.
തിരികെ തിരുവനന്തപുരത്തെത്തി കവടിയാര് ഉദയ് പാലസ് കണ്വന്ഷന് സെന്ററില് കുടുംബശ്രീയുടെ പരിപാടിയില് സംബന്ധിക്കും. ഉച്ചയ്ക്ക് ലക്ഷദ്വീപിലേക്ക് തിരിക്കും.
നാളെ കൊച്ചി നഗരത്തിലും പശ്ചിമ കൊച്ചിയിലും ഉച്ചയ്ക്ക് ഒരു മണി മുതല് വൈകിട്ട് 6 വരെ ഗതാഗത നിയന്ത്രണമുണ്ട്. The post രാഷ്ട്രപതി ദ്രൗപദി മുര്മു കേരളത്തില്; രണ്ടു ദിവസത്തെ ഔദ്യോഗിക സന്ദര്ശനം; നാളെ കൊച്ചിയിലെത്തും; നഗരത്തിൽ ഗതാഗത നിയന്ത്രണം appeared first on Third Eye News Live.
source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
