പ്രേമലുവിന് ശേഷം അടുത്ത 100 കോടിയോ?; നസ്‌ലിന്റെ 'ഐ ആം കാതലൻ' ട്രെയിലർ പുറത്ത്

.news-body p a {width: auto;float: none;}

പ്രേമലുവിന്റെ വമ്പൻ വിജയത്തിന് പിന്നാലെ നസ്‌ലൻ നായകനായി എത്തുന്ന പുതിയ ചിത്രത്തിന്റെ ട്രെയിലർ പുറത്ത്. ഗിരീഷ് എ ഡി സംവിധാനം ചെയ്യുന്ന ‘ഐ ആം കാതലൻ’ എന്ന ചിത്രത്തിന്റെ ട്രെയിലറാണ് പുറത്തിറങ്ങിയത്. കാലത്തിന്റെ കഥ പറയുന്ന ഒരു ത്രില്ലർ ചിത്രമാണ് ഐ ആം കാതലൻ എന്നാണ് സൂചന.

ഈ വർഷം ഫെബ്രുവരിയിൽ റിലീസ് ചെയ്ത ഗിരീഷ് എ ഡി- നസ്‌ലൻ ചിത്രം ‘പ്രേമലു’ മലയാളത്തിലെ നൂറ് കോടി ക്ലബിൽ ഇടം പിടിച്ച ചിത്രങ്ങളിലൊന്നായി മാറിയിരുന്നു. റൊമാന്റിക് കോമഡി വിഭാഗത്തിൽ പെടുന്ന ചിത്രങ്ങളാണ് ഈ കൂട്ടുകെട്ടിൽ നിന്ന് ഇതുവരെ കണ്ടെതെങ്കിൽ, ‘ഐ ആം കാതലൻ’-ൽ ത്രില്ലിംഗ് ആയ മുഹൂർത്തങ്ങൾക്കും പ്രാധാന്യം ഉണ്ടെന്ന് ട്രെയിലർ സൂചിപ്പിക്കുന്നു. അനിഷ്‌മ നായികാ വേഷം ചെയ്യുന്ന ഈ ചിത്രത്തിൽ ദിലീഷ് പോത്തൻ, ലിജോമോൾ, ടി ജി രവി, സജിൻ, വിനീത് വാസുദേവൻ, വിനീത് വിശ്വം എന്നിവരാണ് മറ്റ് പ്രധാന താരങ്ങൾ. ചിത്രത്തിന്റെ ഫസ്റ്റ് ലുക്ക്, സെക്കന്റ് ലുക്ക് പോസ്റ്ററുകൾ നേരത്തെ തന്നെ ശ്രദ്ധ നേടിയിരുന്നു.

സംവിധായകൻ ഗിരീഷ് എ.ഡിയുടെ അരങ്ങേറ്റ ചിത്രമായിരുന്ന തണ്ണീർമത്തൻ ദിനങ്ങളിലൂടെ വെള്ളിത്തിരയിൽ എത്തിയ നടനാണ് നസ്ലൻ. ഐ ആം കാതലന്റെ സഹനിർമ്മാണം ടിനു തോമസ് (ഹിറ്റ്മേക്കേഴ്‌സ് എന്റർടെയിൻമെന്റ്) ആണ്. ഡ്രീം ബിഗ് ഫിലിംസ് ആണ് ചിത്രം കേരളത്തിലെ തീയേറ്ററുകളിൽ വിതരണം ചെയ്യുന്നത്. പ്രശസ്ത നടനായ സജിൻ ചെറുകയിൽ ആണ് ചിത്രത്തിന്റെ തിരക്കഥ രചിച്ചത്.

ഗോകുലം ഗോപാലനും ഡോ. പോൾസ് എന്റർടെയ്ൻമെന്റ്സിന്റെ ബാനറിൽ ഡോ. പോൾ വർഗീസും കൃഷ്ണമൂർത്തിയും ചേർന്ന് നിർമിക്കുന്ന ചിത്രം നവംബർ ഏഴിനാണ് റിലീസ് ചെയ്യുന്നത്. ടിനു തോമസാണ് സഹ നിർമാതാവ്. ഛായാഗ്രഹണം ശരൻ വേലായുധൻ, എഡിറ്റർ ആകാശ് ജോസഫ് വർഗീസ്, ഗാനങ്ങൾ സുഹൈൽ കോയ, സംഗീതം സിദ്ധാർത്ഥ പ്രദീപ്, കലാസംവിധാനം വിവേക് കളത്തിൽ, വസ്ത്രാലങ്കാരം – ധന്യ ബാലകൃഷ്ണൻ , മേക്കപ്പ് – സിനൂപ് രാജ്, വിതരണം ഡ്രീം ബിഗ് ഫിലിംസ്.