അഹമ്മദാബാദ്∙ ന്യൂസീലൻഡിനെതിരായ ഏകദിന പരമ്പരയിലെ ആദ്യ മത്സരത്തിൽ ഇന്ത്യൻ വനിതകൾക്ക് 59 റൺസ് വിജയം. ആദ്യം ബാറ്റു ചെയ്ത ഇന്ത്യയുയർത്തിയ 228 റൺസ് വിജയലക്ഷ്യം പിന്തുടർന്ന കിവീസ് വനിതകൾ 40.4 ഓവറിൽ 168 റൺസെടുത്തു പുറത്തായി. 64 പന്തിൽ 42 റൺസെടുത്ത മധ്യനിര താരം തേജൽ ഹസബ്നിസാണ് ഇന്ത്യയുടെ ടോപ് സ്കോറർ. തേജലിന്റെ അരങ്ങേറ്റ മത്സരമാണിത്.
സെഞ്ചറി നേടിയിട്ടും അടുത്ത കളിയിൽ ഇറക്കിയില്ല; മികച്ച സമയത്ത് മാറ്റിനിർത്തിയെന്ന് മുൻ ഇന്ത്യൻ താരം
Cricket
ദീപ്തി ശർമ (51 പന്തിൽ 41), ജെമീമ റോഡ്രിഗസ് (36 പന്തിൽ 35), യാസ്തിക ഭാട്യ (43 പന്തിൽ 37), ഷെഫാലി വർമ (22 പന്തിൽ 33) എന്നിവരും ബാറ്റിങ്ങിൽ തിളങ്ങി. സ്കോർ 12ൽ നിൽക്കെ ക്യാപ്റ്റൻ സ്മൃതി മന്ഥാനയെ (5) നഷ്ടമായ ശേഷമായിരുന്നു ടീം ഇന്ത്യയുടെ തിരിച്ചുവരവ്. അമേലിയ കെർ കിവീസിനായി നാലു വിക്കറ്റുകൾ വീഴ്ത്തി. മറുപടി ബാറ്റിങ്ങിൽ ന്യൂസീലൻഡ് വനിതകൾ 168 റൺസെടുത്തു പുറത്തായി.
ബ്രൂക്ക് ഹാലിഡേയും (54 പന്തിൽ 39), മാഡി ഗ്രീനും (32 പന്തിൽ 31) തിളങ്ങി. ലോറൻ ഡൗൺ (56 പന്തിൽ 26), ജോർജിയ പ്ലിമർ (25 പന്തിൽ 25), അമേലിയ കെർ (23 പന്തിൽ 25) എന്നിവരാണ് കിവീസിന്റെ മറ്റു പ്രധാന സ്കോറർമാർ. ഇന്ത്യയ്ക്കായി രാധ യാദവ് മൂന്നു വിക്കറ്റുകൾ വീഴ്ത്തി. ആദ്യ മത്സരം കളിക്കുന്ന സൈമ താക്കോർ രണ്ടു വിക്കറ്റുകൾ സ്വന്തമാക്കി. അഹമ്മദാബാദിൽ ഞായറാഴ്ചയാണു പരമ്പരയിലെ രണ്ടാം മത്സരം.
English Summary:
India Women vs New Zealand Women, 1st ODI – Live Cricket Score
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
