നടന് അര്‍ജുന്‍ മഥൂറും പ്രൊഡക്ഷന്‍ ഡിസൈനറായ ടിയ തേജ്പാലും വിവാഹിതരായി. ടിയയുടെ സഹോദരനും സംവിധായകനുമായ കരണ്‍ തേജ്പാലാണ് നവദമ്പതിമാരുടെ വിവാഹചിത്രങ്ങള്‍ സാമൂഹികമാധ്യമങ്ങളില്‍ പങ്കുവെച്ചത്. ‘എക്കാലത്തെയും മികച്ച സര്‍പ്രൈസ്! എന്റെ സഹോദരിയുടെ വിവാഹം, ഇനി ആഘോഷങ്ങള്‍ ആരംഭിക്കട്ടെ’ എന്നായിരുന്നു കരണ്‍ തേജ്പാല്‍ വിവാഹചിത്രങ്ങള്‍ പങ്കുവെച്ച് സാമൂഹികമാധ്യമത്തില്‍ കുറിച്ചത്.
അര്‍ജുന്‍ മഥൂറും ടിയ തേജ്പാലും ഏറെനാളായി അടുപ്പത്തിലായിരുന്നു. ലളിതമായ വിവാഹച്ചടങ്ങില്‍ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. കുര്‍ത്ത പൈജാമയായിരുന്നു വരന്റെ വേഷം. വധു ചുവപ്പ് സാരിയും അണിഞ്ഞു.
ലക്ക് ബൈ ചാന്‍സ്, മൈ നെയിം ഈസ് ഖാന്‍, ദി ആക്‌സിഡന്റല്‍ പ്രൈം മിനിസ്റ്റര്‍ തുടങ്ങിയ സിനിമകളില്‍ അഭിനയിച്ച നടനാണ് അര്‍ജുന്‍ മഥൂര്‍. ‘മെയ്ഡ് ഇന്‍ ഹീവന്‍’ എന്ന സീരിസിലൂടെയാണ് നടന് ശ്രദ്ധേയനായത്. അടുത്തിടെ സീരിസിലെ അഭിനയത്തിന് മെല്‍ബണ്‍ ഫിലിം ഫെസ്റ്റിവലില്‍ മികച്ച നടനുള്ള പുരസ്‌കാരവും നടന് ലഭിച്ചിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
