അഭിനയത്തിൽ മാത്രം ഒതുങ്ങിനിൽക്കാതെ കലയുടെ മറ്റു മേഖലകളിലേക്കുക്കൂടി കടന്നു ചെല്ലുകയാണ് പ്രശസ്ത ചലച്ചിത്ര താരം ഇനിയ. ആത്രേയ ഡാൻസ് സ്റ്റുഡിയോ എന്ന പുതിയ സംരംഭത്തിന് തുടക്കം കുറിച്ചിരിക്കുകയാണ് അവർ. ഇനിയുടെ ഗുരുവായ അരുൺ നന്ദകുമാറുമായി സഹകരിച്ച് ആരംഭിച്ച “ആത്രേയ ഡാൻസ് സ്റ്റുഡിയോ”യുടെ ഉൽഘാടനവും ആദ്യ പ്രകടനവും ദുബായിലെ വേൾഡ് ട്രേഡ് സെന്ററിൽ നടന്ന ഇന്ത്യോ അറബ് എക്സലൻസ് അവാർഡ് 2024 ചടങ്ങിൽ നടന്നു.
ഒന്നര പതിറ്റാണ്ടിലേറെയായി സിനിമാലോകത്ത് ശ്രദ്ധേയ വേഷങ്ങളിലൂടെ തന്‍റേതായ ഇടം കണ്ടെത്തിയ നടിയാണ് ഇനിയ. തമിഴിലും തെലുങ്കിലും മലയാളത്തിലും കന്നഡയിലുമൊക്കെയായി ഒട്ടനേകം സിനിമകളിൽ ഇതിനകം താരം കഴിവുതെളിയിച്ചു കഴിഞ്ഞു. അടുത്തിടെയാണ് ഇനിയയുടെ സ്വന്തം ബ്രാൻഡായി ‘അനോറ ആർട്ട് സ്റ്റുഡിയോ’ എന്ന പേരിൽ ചെന്നൈയിൽ ഡിസൈനർ ഫാഷൻ സ്റ്റുഡിയോ ആരംഭിച്ചത്. ഇനിയയുടെ സഹോദരി താരയാണ് അനോറ ആർട്ട് സ്റ്റഡിയോയുടെ ഡിസൈനർ. രൂപകല്പനചെയ്ത് തയ്യാറാക്കിയ നൃത്ത വസ്ത്രങ്ങൾ വാടകയ്ക്ക് നൽകാനുള്ള സൗകര്യം ഒരുക്കുകയും ചെയ്യുന്നു. പരമ്പരാഗത-ആധുനിക കലാരൂപങ്ങൾ എല്ലാവർക്കും സുലഭമാകുന്ന സേവനമാണ് ഇനിയയുടെ ലക്ഷ്യം.
നൃത്തത്തോടുള്ള അഗാധമായ സ്നേഹവും സമൂഹത്തോടുള്ള പ്രതിബദ്ധതയുമാണ് ആത്രേയയുടെ പിറവിക്ക് പിന്നിലെന്ന് ഇനിയയുടെ വാക്കുകള്‍. “ഇവിടെ നൃത്തം ഒരു മനോഹരമായ ദൃശ്യനാടകമായി മാറും. ഓരോ ചലനവും ഒരു കഥപറയുന്ന രീതിയാണ് സ്വീകരിച്ചിട്ടുള്ളത്. വിവിധ കലാരൂപങ്ങളിലെ പ്രകടനങ്ങൾക്ക് പ്രത്യേക ടീമാകും ഉണ്ടാവുക.” ഇനിയ പറഞ്ഞു.
പ്രശസ്ത നർത്തകനും നടനുമായ അരുൺ നന്ദകുമാറുമായി സഹകരിച്ചുകൊണ്ട് ക്ലാസിക്കൽ, പരമ്പരാഗത നൃത്ത രൂപങ്ങളെ സമകാലിക പരീക്ഷണങ്ങളുമായി സംയോജിപ്പിച്ചാണ് ആത്രേയയിൽ അവതരിപ്പിക്കുന്നത്. ഇഷ്ടാനുസൃത വസ്ത്രങ്ങൾ മുതൽ വാടകയ്ക്ക് എടുക്കുന്ന വസ്ത്രങ്ങൾ വരെ ലഭ്യമാക്കിക്കൊണ്ട് നർത്തകർക്ക് അവരുടെ കലയെ ജീവസുറ്റതാക്കാൻ ആത്രേയ സഹായിക്കുന്നുമുണ്ട്.
കലാപരിപാടികൾക്കുള്ള സമ്പൂർണ്ണ പരിഹാരം കൂടിയാണ് ആത്രേയ ഡാൻസ് സ്റ്റുഡിയോ. നാടക പ്രവർത്തനങ്ങൾ, അവാർഡ് ഷോകൾ, സെലിബ്രിറ്റി ഷോകൾ, ബ്രാൻഡ് ലോഞ്ച്, ഉത്സവ പരിപാടികൾ സീസണൽ ഇവന്‍റുകൾ , സംഗീത പരിപാടികൾ തുടങ്ങി എല്ലാത്തരം നൃത്താധിഷ്ഠിത പരിപാടികളും നൽകുന്നുണ്ട്. സമകാലിക നൃത്തം, സെമി ക്ലാസിക്കൽ നൃത്തം, സിനിമാറ്റിക് ഡാൻസ്, ഫ്യൂഷൻ ഡാൻസ്, കഥക് ഡാൻസ്, ഒഡീസി, അക്രോബാക്റ്റിക് ഡാൻസ്, ഏരിയൽ ഡാൻസ്, ഫയർ ഡാൻസ് ,ലാറ്റിൻ ഡാൻസ്, ഹിപ്-ഹോപ്പ് ഡാൻസ്, മറ്റ് സാംസ്കാരിക കലാരൂപങ്ങൾ തുടങ്ങി വ്യത്യസ്തമായ നൃത്ത ശൈലികൾ അവതരിപ്പിക്കാനായുള്ള വലിയൊരു ടീം തന്നെ ആത്രേയയ്ക്ക് ഒപ്പമുണ്ട്.
സ്വീറ്റി നോട്ടി ക്രേസി എന്ന തെലുങ്ക് സിനിമയിലാണ് ഇനിയ ഇപ്പോൾ അഭിനയിക്കുന്നത്. ദുബായിൽ ഡാൻസ് പ്രൊഡക്ഷൻ ആരംഭിച്ചതിന് ശേഷമാണ് ഹൈദരാബാദിൽ ഈ ചിത്രത്തിന്റെ ഷൂട്ടിങിൽ എത്തിയത്. ഇനിയ അഭിനയിച്ച മലയാള സിനിമ ഗ്യാങ്സ് ഓഫ് സുകുമാരക്കുറുപ്പ് ഓണത്തിന് റിലീസാകും. സീരൻ എന്ന തമിഴ് ചിത്രമാണ് ഇനിയയുടെ പൂർത്തിയായ മറ്റൊരു സിനിമ
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
