മലപ്പുറം ∙ സംസ്ഥാന സർക്കാരിന്റെ മദ്യം വിൽക്കാതിരിക്കാൻ കൈക്കൂലി. മലപ്പുറം എടപ്പാളിലെ ബവ്കോ ഔട്ട്ലെറ്റ് ജീവനക്കാരിൽനിന്ന് 18,600 രൂപ പിടികൂടി. സ്വകാര്യ മദ്യ ബ്രാൻഡുകൾ നൽകിയ പണമാണെന്നു ജീവനക്കാരന്‍ വിജിലൻസിന് മൊഴി നല്‍കി.ഔട്ട്ലെറ്റിന് പിൻഭാഗത്തെ ഗോഡൗണിൽ സൂക്ഷിച്ച ബാഗിൽ നിന്നാണ് ചുരുട്ടിവച്ച നിലയിൽ 500, 100 രൂപാ നോട്ടുകൾ വിജിലൻസ് ഉദ്യോഗസ്ഥർ കണ്ടെത്തിയത്. രഹസ്യ കോഡുകൾ ഉൾപ്പെടെ എഴുതിയ കടലാസും കണ്ടെടുത്തു. ഇതേ ഔട്ട്ലെറ്റിൽ ജോലി ചെയ്യുന്ന എട്ടു ജീവനക്കാർക്ക് വീതിച്ചു നൽകാനുള്ള തുകയാണ് ഇതെന്ന് ഒരു ജീവനക്കാരൻ മൊഴി നൽകി.
പൊതുമേഖല, സർക്കാർ ബ്രാൻഡുകൾ വിൽക്കാതെ സ്വകാര്യ കമ്പനികളുടെ മദ്യം കൂടുതൽ വിൽക്കാനായാണ് പണം നൽകിയത്. ഇതുസംബന്ധിച്ച് കൂടുതൽ വിവരങ്ങൾ പരിശോധിക്കുകയാണെന്ന് വിജിലൻസ് അറിയിച്ചു. ഓരോ ദിവസവും ഡ്യൂട്ടിയിൽ പ്രവേശിക്കുമ്പോൾ കൈവശമുള്ള പണം എണ്ണിത്തിട്ടപ്പെടുത്തി വയ്ക്കണമെന്ന് ജീവനക്കാർക്ക് ബെവ്കോ നിർദേശം നൽകിയിട്ടുണ്ട്. അതുപോലെ ഓരോ ദിവസത്തെയും തുക അടുത്ത ദിവസം ബാങ്കിൽ അടയ്ക്കണമെന്നും നിർദേശിച്ചിട്ടുണ്ട്.
The post ‘ജവാൻ’ വിൽക്കാതിരിക്കാൻ ബെവ്കോ ഔട്ട്ലെറ്റ് ജീവനക്കാർ സ്വകാര്യ കമ്പനികളുടെ കമ്മീഷൻ വാങ്ങി; ചോദിച്ചാൽ ‘തീർന്നുപോയെന്ന്’ മറുപടി appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
