തിരുവനന്തപുരം: കണ്ണൂര്‍ സര്‍വകലാശാല പഠന ബോര്‍ഡ് ചട്ടഭേദഗതി തള്ളി ഗവര്‍ണര്‍. അംഗങ്ങളെ നിയമിക്കാനുള്ള അധികാരം ഗവര്‍ണറില്‍നിന്ന് മാറ്റിയ ഭേദഗതിയാണ് തള്ളിയത്. കണ്ണൂര്‍ സര്‍വകലാശാല പഠനബോര്‍ഡുകളിലേക്കുള്ള നിയമനങ്ങള്‍ സര്‍വകലാശാല തന്നെ നേരിട്ടു നടത്തുന്നതിനായാട്ടാണ് ചട്ടഭേദഗതി കൊണ്ടുവന്നത്.
ഇതിനാണ് ചാന്‍സിലര്‍ കൂടിയായ ഗവര്‍ണര്‍ ആരിഫ് മുഹമ്മദ് ഖാന്‍ അനുമതി നിഷേധിച്ചിരിക്കുന്നത്. ഗവര്‍ണറുടെ അനുമതിയില്ലാതെ നേരത്തേ 71 പഠനബോര്‍ഡുകളില്‍ സര്‍വകലാശാല നേരിട്ട് നിയമനങ്ങള്‍ നടത്തിയിരുന്നു. തുടര്‍ന്ന് നിയമനങ്ങള്‍ സര്‍വകലാശാലയുടെ ചട്ടത്തിന് വിരുദ്ധമാണെന്ന് ചൂണ്ടിക്കാട്ടി ഹോക്കോടതിയില്‍ ചോദ്യം ചെയ്തു. ഇത് പരിശോധിച്ച കോടതി എല്ലാ നിയമനങ്ങളും റദ്ദ് ചെയ്യുകയും ചെയ്തു.
പിന്നാലെയാണ് ഗവര്‍ണറുടെ അനുവാദമില്ലാതെ തന്നെ സര്‍വകലാശാലയ്ക്ക് നേരിട്ട് നിയമനം നടത്താമെന്ന ഭേദഗതി കൊണ്ടുവന്നത്. സര്‍വകലാശാല നിലവില്‍വന്ന 1996 മുതല്‍ ഗവര്‍ണറാണ് പഠനബോര്‍ഡുകളിലേക്കുള്ള അംഗങ്ങളെ നിയമിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
