സ്വന്തം ലേഖിക
കോട്ടയം: ഭാര്യയുടെ ഓര്‍മ്മയ്ക്കായി ഒൻപത് നിര്‍ധന കുടുംബങ്ങള്‍ക്ക് വീടൊരുക്കിയിരിക്കുകയാണ് കോട്ടയം ഏഴാച്ചേരി പെരികിലമലയില്‍ 78 കാരനായ ഫ്രാൻസിസ് ജോസഫ്(കൊച്ച്‌).
ഭാര്യ ഏലിക്കുട്ടി ജോസഫിന്റെ ഒന്നാം ചരമ വാര്‍ഷികത്തോട് അനുബന്ധിച്ചാണ് ഭര്‍ത്താവ് വീടുകള്‍ നിര്‍മ്മിച്ചത്. ചാച്ചീസ് ഗാര്‍ഡൻ എന്നാണ് ഈ വീടുകള്‍ക്ക് നല്‍കിയിരിക്കുന്ന പേര്.
‘ചാച്ചി’ എന്നാണ് നാട്ടുകാര്‍ ഏലിക്കുട്ടിയെ വിളിച്ചിരുന്നത്. അതിനാലാണ് ഇവരുടെ സ്മരണയ്ക്കായി ‘ചാച്ചീസ് ഗാര്‍ഡൻ’എന്ന പേര് നല്‍കിയത്.
വീടിന്റെ വെഞ്ചരിപ്പും ഗൃഹപ്രവേശനവും ജൂലൈ 29ന് നടത്തും. ഏഴാച്ചേരി പെരികിലമലയില്‍ വീടിനോട് ചേര്‍ന്ന അരയേക്കര്‍ സ്ഥലത്താണ് 9 വീടുകള്‍ നിര്‍മ്മിച്ചിരിക്കുന്നത്.
700 ചതുരശ്ര അടി വിസ്തൃതിയിലുള്ളതാണ് ഈ വീടുകള്‍. 12 ലക്ഷത്തോളം ചെലവഴിച്ചാണ് ഈ ഓരോ വീടുകളും നിര്‍മ്മിച്ചിരിക്കുന്നത്. അഞ്ച് മാസം കൊണ്ടാണ് വീടിന്റെ നിര്‍മ്മാണ പരിപാടികള്‍ പൂര്‍ത്തിയായത്.
The post appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
