സ്വന്തം ലേഖിക
തിരുവനന്തപുരം: പോക്സോ കേസ് പ്രതിയെ ലൈംഗികമായി പീഡിപ്പിച്ചതടക്കം നിരവധി കേസുകളില്‍ പ്രതിയായ സി.ഐയ്ക്ക് പിരിച്ചുവിടല്‍ നോട്ടീസ് നല്‍കി.
അയിരൂര്‍ എസ്.എച്ച്‌.ഒ ആയിരുന്ന ജയസനിലിനാണ് ഡി.ജി.പി പിരിച്ചുവിടല്‍ നോട്ടീസ് നല്‍കിയിരിക്കുന്നത്.
പിരിച്ചുവിടുന്നതിന് മുന്നോടിയായി വല്ലതും ബോധിപ്പിക്കാനുണ്ടെങ്കില്‍ ഏഴു ദിവസത്തിവകം മറുപടി നല്‍കണമെന്ന് ഡി.ജി.പി അനില്‍കാന്ത് നോട്ടീസില്‍ ആവശ്യപ്പെട്ടു.
പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസിലെ പ്രതിയെ അയിരൂര്‍ സി.ഐ ആയിരിക്കെ ജയസനില്‍ അറസ്റ്റ് ചെയ്തിരുന്നു. ഈ പ്രതിയെ പൊലീസ് ക്വാര്‍ട്ടേഴ്‌സില്‍ വിളിച്ചുവരുത്തി ലൈംഗികമായി പീഡിപ്പിക്കുകയും പണം വാങ്ങുകയും ചെയ്തുവെന്നാണ് പരാതി.
റിസോര്‍ട്ട് ഉടമയില്‍ നിന്ന് കൈക്കൂലി ആവശ്യപ്പെട്ടെന്ന ആരോപണത്തില്‍ സസ്പെൻഷനായതിന് പിന്നാലെയാണ് ഈ പരാതിയും പുറത്തുവന്നത്.
The post appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
