കൊച്ചി: നാലാം വാര്‍ഷികാഘോഷ നിറവില്‍ നവകേരള ന്യൂസ് ചാനല്‍ സംഘടിപ്പിക്കുന്ന മെഗാ ഇവെന്റിലേക്കുള്ള നവകേരള ന്യൂസ് ചലച്ചിത്ര പുരസ്‌ക്കാരങ്ങള്‍ പ്രഖ്യാപിച്ചു. നാലിന്റെ നിറവില്‍ നവകേരള ന്യൂസ് എന്ന പേരില്‍ എറണാകുളം ദര്‍ബാര്‍ ഹാളില്‍ ആണ് ഇവന്റ് നടത്തപ്പെടുന്നത്. ഷഫീഖിന്റെ സന്തോഷങ്ങള്‍ എന്ന ചിത്രത്തില്‍ മികച്ച അഭിനയം കാഴ്ച്ചവച്ച ബാലക്ക് – മികച്ചനടനന്‍ പുരസ്‌കാരം നല്‍കും. അങ്കമാലി ഡയറീസിലൂടെ അരാധകരുടെ മനം കവര്‍ന്ന് അപ്പാനി ശരത്ത് – മികച്ച യുവനടനുള്ള പുരസ്‌കാരത്തിനര്‍ഹനായി. അഭിലാഷ് പിള്ള – മികച്ച തിരക്കഥാകൃത്ത്(മാളികപ്പുറം), അഖില്‍ മാരാര്‍ – സമൂഹികപ്രതിബദ്ധതയുള്ള മലയാള ചലച്ചിത്രം (ഒരു താത്വിക അവലോകനം), രമ്യാ പണിക്കര്‍ – മികച്ച സഹനടി, രഞ്ജിന്‍ രാജ് – മികച്ച സംഗീത സംവിധായകന്‍(മാളികപ്പുറം), സുജേഷ് ഹരിക്കു മിണ്ടിയും പറഞ്ഞും എന്ന സിനിമയിലെ ‘നീയേ.. നെഞ്ചില്‍’ എന്ന് ആരംഭിക്കുന്ന ഗാനത്തിന് മികച്ച ഗാനരചയിതാവ് ആയും , വിഷ്ണു മോഹന്‍ – മികച്ച സംവിധായകന്‍(മേപ്പടിയാൻ), അജയ് ഗോപാല്‍ – മികച്ച ഗായകന്‍. ഹാസ്യരംഗത്ത് തരംഗം സൃഷ്ടിച്ച ഉണ്ണിരാജ മികച്ച ഹാസ്യനടന്‍.നവ കേരള ന്യൂസിന്റെ നാലാം വാർഷികം പ്രമാണിച്ചാണ് സിനിമ-സാംസ്കാരിക- മാധ്യമ- ബിസിനസ് മേഖലകളിലെ നിസ്തുല സംഭാവനകൾക്കുള്ള പുരസ്കാരങ്ങൾ പ്രഖ്യാപിച്ചത്. നാളെ വൈകുന്നേരം നാലുമണിക്ക് എറണാകുളം ദർബാർ ഗ്രൗണ്ടിൽ നടക്കുന്ന മെഗാ ഇവന്റിൽ മന്ത്രി റോഷി അഗസ്റ്റിൻ പുരസ്കാരങ്ങൾ വിതരണം ചെയ്യും.
വിപുലമായ ആഘോഷ പരിപാടികളോടെയാണ് നവകേരളാ ന്യൂസ് മെഗാ ഇവന്റ് നടക്കുന്നത്. കൊച്ചി ദര്‍ബാര്‍ ഹാളില്‍ ബിസിനസ് കോണ്‍ക്ലേവും അവാര്‍ഡ് നൈറ്റും കൂടാതെ പ്രശസ്ത സിനിമ പിന്നണി ഗായിക റിമി ടോമി നയിക്കുന്ന മ്യൂസിക്കൽ നൈറ്റ് നവകേരള ന്യൂസിന്റെ നാലാം പിറന്നാളിന് പകിട്ട് കൂട്ടാൻ ഉണ്ടാകും .അവാര്‍ഡ് നൈറ്റില്‍ മന്ത്രിമാരും വിവിധ ജന പ്രതിനിധികളും സിനിമാതാരങ്ങളും പ്രമുഖ മാധ്യമ പ്രവര്‍ത്തകരും പങ്കെടുക്കും. വൈകുനേരം നാലുമണി മണിമുതല്‍ ആരംഭിക്കുന്ന ബിസിനസ് കോണ്‍ക്ലേവിനു ശേഷം അഞ്ചുമണിയോടെ അവാര്‍ഡ് നൈറ്റ് ആരംഭിക്കും.
ആരോഗ്യ സാമുദായിക രംഗത്തു തൻറെതായ വ്യക്തി മുദ്ര പതിപ്പിച്ച രാഹുൽ ചക്രപാണി ചെയർമാനായ നവകേരള ന്യൂസ് വാർത്തകളുടെ അവതരണ രീതിയിലും സത്യസന്ധമായ മാധ്യമ പ്രവർത്തനത്തിലൂടെയും ആണ് മറ്റു ചാനലുകൾക്ക് വെല്ലുവിളി ഉയർത്തിയത്. നാലിലും നാല്‍പ്പതിന്റെ കരുത്തോടെ നവകേരളയെ മുന്നോട്ട് നയിക്കുന്നതും പ്രിയപ്പെട്ട പ്രേക്ഷകര്‍ തന്നെയാണ്.
The post നാലിന്റെ നിറവിൽ നവകേരള ന്യൂസ്; ചലച്ചിത്ര പുരസ്‌ക്കാരങ്ങൾ പ്രഖ്യാപച്ചു appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
