കോഴിക്കോട്: കെഎസ്‌ആര്‍ടിസി ബസില്‍ വിദ്യാര്‍ഥിനിയെ പീഡിപ്പിക്കാൻ ശ്രമിച്ച കേസില്‍ ഡ്രൈവര്‍ അറസ്റ്റില്‍.
കാരന്തൂര്‍ സ്വദേശി ഇബ്രാഹിമാണ് അറസ്റ്റിലായത്. ഇന്നു പുലര്‍ച്ചെയാണ് ഇയാളെ അറസ്റ്റ് ചെയ്തത്. പ്രതിയെ ഇന്നു കോടതിയില്‍ ഹാജരാക്കും.
ചൊവ്വാഴ്ച രാത്രി 12മണിയോടെ കോഴിക്കോടുനിന്ന് മാനന്തവാടിക്കു സഞ്ചരിക്കുകയായിരുന്ന കെഎസ്‌ആര്‍ടിസി ബസിലാണു വിദ്യാര്‍ഥിനിക്കു നേരെ അതിക്രമമുണ്ടായത്. ഡ്രൈവര്‍ വിദ്യാര്‍ഥിനിയെ കയറിപിടിച്ചെന്നാണു പരാതി.
തിരക്കുള്ള ബസില്‍ ബോണറ്റില്‍ ഇരുന്നാണു വിദ്യാര്‍ഥിനി യാത്ര ചെയ്തിരുന്നത്. വാഹനം ഓടിക്കുന്നതിനിടെ പെണ്‍കുട്ടിയെ ഡ്രൈവര്‍ കടന്നുപിടിച്ചെന്നാണ് കേസ്. ബസ് പുറപ്പെട്ട് കോഴിക്കോട് നഗരപരിധി കഴിഞ്ഞ ഉടനെയായിരുന്നു സംഭവം.
സംഭവത്തിനു പിന്നാലെ യാത്രക്കാര്‍ ബഹളംവച്ചതിനെത്തുടര്‍ന്ന് ബസ് നിര്‍ത്തുകയും കുന്ദമംഗലം പോലീസ് ഡ്രൈവറെ കസ്റ്റഡിയിലെടുക്കുകയുമായിരുന്നു. ആദ്യം ഡ്രൈവര്‍ കുറ്റം നിഷേധിച്ചെങ്കിലും പിന്നീടു തെറ്റു സമ്മതിക്കുകയും ചെയ്തു.
ദിവസങ്ങള്‍ക്കു മുന്പ് വളാഞ്ചേരിയില്‍ കെഎസ്‌ആര്‍ടിസി ബസില്‍ യുവതിക്കു നേരെയുണ്ടായ പീഡന ശ്രമത്തില്‍ കണ്ണൂര്‍ സ്വദേശി അറസ്റ്റിലായിരുന്നു. സമീപകാലത്തായി ഇത്തരം സംഭവങ്ങള്‍ ഏറി വരുന്നതായി പോലീസ് പറയുന്നു.
The post appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
