സ്വന്തം ലേഖകൻ
കൊല്ലം:കുടുംബത്തോടൊപ്പം കടലില്‍ ഇറങ്ങി തിരയില്‍ അകപ്പെട്ട് കാണാതായ പെണ്‍കുട്ടിയുടെ മൃതദേഹം കണ്ടെത്തി. ഓച്ചിറ മേമന ഷെഹന മന്‍സിലില്‍ രഹ്ന(16)യുടെ മൃതദേഹമാണ്
കുടുംബത്തോടൊപ്പം കടലില്‍ ഇറങ്ങിയ രഹ്ന തിരയില്‍ അകപ്പെട്ട് കടലിലേക്ക് താഴ്ന്നുപോകുകയായിരുന്നു. ഇന്നലെ രാത്രിയില്‍ കാണാതായ രഹ്നയുടെ മൃതദേഹം ഇന്ന് ഉച്ചയ്ക്ക് രണ്ടുമണിയോടെയാണ് ലഭിച്ചത്.
ഞായറാഴ്ച രാത്രി 10 മണിയോടെയാണ് സംഭവം. കുടുംബത്തോടൊപ്പം എത്തിയതായിരുന്നു കുട്ടി. കടലിലിറങ്ങിയ നാലുപേരും വലിയ തിരയില്‍പ്പെടുകയായിരുന്നു. ഓച്ചിറ മേമന സ്വദേശിനിയാണ് രഹ്ന. ഒരു ദിവസം നീണ്ടു നിന്ന തിരിച്ചലിനൊടുവിലാണ് രഹ്നയുടെ മൃതദേഹം കടലില്‍ നിന്ന് ലഭിച്ചത്.
മാതാപിതാക്കള്‍ക്കും സഹോദരിക്കുമൊപ്പമാണ് രഹ്ന കഴിഞ്ഞ ദിവസം അഴീക്കല്‍ തുറമുഖത്ത് എത്തിയത്. എല്ലാവരും ഒരുമിച്ച്‌ തന്നെയാണ് കടലില്‍ ഇറങ്ങി കളിച്ചതും. ഇതിനിടയില്‍ കടലില്‍ ഇറങ്ങി കളിക്കുന്നതിനിടെ കുടുംബം മുഴുവന്‍ ഒരു വലിയ തിരയില്‍ അകപ്പെടുകയായിരുന്നു. തിരയില്‍ നിന്ന് മറ്റുള്ളവര്‍ രക്ഷപ്പെട്ടുവെങ്കിലും രഹ്നയെ കടലില്‍ കാണാതാകുകയായിരുന്നു. രഹ്നയുടെ മൃതദേഹം ഓച്ചിറ വടക്കേ ജുമാ മസ്ജിദില്‍ കബറടക്കും.
The post appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
