എറണാകുളം: കറുകുറ്റിയില്‍ നിന്ന് 225 കിലോ കഞ്ചാവ് പിടികൂടിയ കേസില്‍ ഒളിവില്‍ കഴിഞ്ഞിരുന്ന
അടൂര്‍ സ്വദേശി ഷമീര്‍ (കാട്ടാളന്‍ ഷമീര്‍ -38) ആണ് പ്രത്യേക അന്വേഷണ സംഘത്തിന്റെ പിടിയിലായത്. കേസിലെ അഞ്ചാം പ്രതിയാണ് ഇപ്പോള്‍ പിടിയിലായ ഷമീര്‍ എന്ന് പൊലീസ് അറിയിച്ചു
ഇതോടെ കേസില്‍ പിടിയിലാകുന്നവരുടെ എണ്ണം ആറായി.
അങ്കമാലി കറുകുറ്റിയില്‍ നിന്നും കഞ്ചാവ് പിടികൂടിയ കേസിലാണ് ഇയാളെ പോലീസ് തിരഞ്ഞിരുന്നത്.
ഒളിവിലായിരുന്ന ഇയാളെ ജില്ലാ പോലീസ് മേധാവി കെ കാര്‍ത്തിക്കിന്റെ നേതൃത്വത്തില്‍ രൂപീകരിച്ച പ്രത്യേക അന്വേഷണ സംഘം പുനലൂരില്‍ നിന്നുമാണ് പിടികൂടിയത്.
കഞ്ചാവ് വാങ്ങുന്നതിന് പണം മുടക്കിയിരിക്കുന്നത് ഇയാളാണ്. അടൂര്‍, പുനലൂര്‍ ഭാഗങ്ങളില്‍ കഞ്ചാവിന്റെ വിതരണവുമുണ്ട്.
കേസിലെ മറ്റ് പ്രതികളായ അനസ്, ഫൈസല്‍, വര്‍ഷ, മുനീര്‍, അബു താഹിര്‍ എന്നിവരെ നേരത്തെ അന്വേഷണ സംഘം പിടികൂടിയിരുന്നു
2021 നവംബര്‍ 8നാണ് ആന്ധ്രയിലെ പഡേരുവില്‍ നിന്നും രണ്ട് കാറുകളില്‍ കടത്തിയ 225 കിലോ കഞ്ചാവ് കറുകുറ്റിയില്‍ വച്ച്‌ ഡാന്‍സാഫ് ടീമും അങ്കമാലി പോലീസും ചേര്‍ന്ന് പിടികൂടിയത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
