ചെന്നൈ: ബിജെപി നേതാവും ദേശീയ വനിതാ കമ്മീഷന്‍ അംഗവും നടിയുമായ ഖുശ്ബുവിനെതിരെ അപകീര്‍ത്തികരമായ പരാമര്‍ശം നടത്തിയ ഡിഎംകെയുടെ ചീഫ് എക്‌സിക്യൂട്ടീവ് സ്പീക്കര്‍മാരില്‍ ഒരാളായ ശിവാജി കൃഷ്ണമൂര്‍ത്തിക്കെതിരെ നടപടി. കൃഷ്ണ മൂര്‍ത്തിയെ പാര്‍ട്ടിയുടെ അടിസ്ഥാന അംഗത്വം ഉള്‍പ്പെടെയുള്ള എല്ലാ ഉത്തരവാദിത്തങ്ങളില്‍ നിന്നും നീക്കം ചെയ്തതായി ഡിഎംകെ ജനറല്‍ സെക്രട്ടറി ദുരൈമുരുഗന്‍ അറിയിച്ചു.
അടുത്തിടെ ഡിഎംകെയുടെ ഒരു പരിപാടിയില്‍ സംസാരിക്കവെയാണ് പാര്‍ട്ടി വക്താവ് ശിവാജി കൃഷ്ണമൂര്‍ത്തി സ്ത്രീകളെ അപകീര്‍ത്തിപ്പെടുത്തുകയും ഖുശ്ബുവിന്റെ പേര് പരാമര്‍ശിക്കുകയും അസഭ്യം പറയുകയും ചെയ്തത്. പ്രസംഗത്തിന്റെ വീഡിയോ സോഷ്യല്‍ മീഡിയയില്‍ വൈറലായതോടെ നടി ഖുശ്ബു ശിവാജി കൃഷ്ണമൂര്‍ത്തിയുടെ പ്രസംഗത്തെ അപലപിച്ചിരുന്നു. സ്ത്രീകളെ ഇകഴ്ത്താന്‍ ഡിഎംകെയ്ക്ക് ആരാണ് അവകാശം നല്‍കിയത്? തന്നെപ്പോലുള്ള സ്ത്രീകളെ അപകീര്‍ത്തിപ്പെടുത്തുന്നവരെ ഡിഎംകെ പിന്തുണയ്ക്കുന്നു. ഡിഎംകെ വക്താവിനെതിരെ നിയമനടപടി സ്വീകരിക്കുമെന്നും ഖുശ്ബു പ്രതികരിച്ചു.
The post ഖുശ്ബുവിനെതിരെ സ്ത്രീവിരുദ്ധ പരാമര്‍ശം: ശിവാജി കൃഷ്ണമൂര്‍ത്തിയെ ഡിഎംകെ പുറത്താക്കി appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
