ആലപ്പുഴ: കൃഷി വകുപ്പിന്റെ നേതൃത്വത്തില്‍ ഇസ്രായേലിലേക്ക് സന്ദര്‍ശനത്തിന് പോയ കര്‍ഷകരുടെ സംഘത്തില്‍പ്പെട്ടയാള്‍ മുങ്ങിയ സംഭവത്തില്‍ പ്രതികരണവുമായി കൃഷിമന്ത്രി പി. പ്രസാദ്.
നല്ല ഉദ്ദേശത്തോടെയാണ് കര്‍ഷക സംഘത്തെ ഇസ്രായേലിലേക്ക് അയച്ചതെന്നും വിശദമായ പരിശോധനക്ക് ശേഷമാണ് സംഘത്തിലേക്ക് കര്‍ഷകരെ തെരഞ്ഞെടുത്തതെന്നും പി. പ്രസാദ് പറഞ്ഞു.
ഇന്നലെയാണ് സംഘത്തോടൊപ്പമുണ്ടായിരുന്ന കര്‍ഷകന്‍ ബിജു കുര്യനെ കാണാതായത്. ഇന്നു രാവിലെയെങ്കിലും ഇയാള്‍ സംഘത്തോടൊപ്പം ചേരും എന്നാണ് പ്രതീക്ഷിച്ചിരുന്നത്.
വളരെ ആസൂത്രിതമായാണ് ഇയാള്‍ മുങ്ങിയതെന്നാണ് മനസ്സിലാക്കുന്നത്. ഇയാള്‍ക്ക് എന്തെങ്കിലും അപകടമുണ്ടായതായി അറിവില്ല.
സംഭവത്തില്‍ ഇസ്രായേലിലുള്ള ബി. അശോക് കുമാര്‍ ഐഎഎസിന്റെ നേതൃത്വത്തിലുള്ള സംഘം അവിടെ പരാതി നല്‍കിയിട്ടുണ്ട്.
കൂടാതെ ഇസ്രായേലിലെ ഇന്ത്യന്‍ എംബസ്സിയിലും വിവരം നല്‍കിയിട്ടുണ്ട്. ഇവര്‍ നാളെ കേരളത്തില്‍ തിരിച്ചെത്തിയ ശേഷം കേരളത്തില്‍ സ്വീകരിക്കേണ്ട
നിയമനടപടികള്‍ ആലോചിക്കുമെന്നും പി. പ്രസാദ് വ്യക്തമാക്കി.
The post ‘ഇസ്രായേലിലേക്ക് അയച്ചത് നല്ല ഉദ്ദേശത്തോടെ, ബിജു കുര്യന്‍ മുങ്ങിയത് ആസൂത്രിതമായി’ appeared first on Navakerala News. source
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
