സ്വന്തം ലേഖകൻ
കൊച്ചി: വീട് വാടകയ്ക്ക് എടുത്ത് എം ഡി എം എ വിൽപന നടത്തിയ യുവതിയടക്കം രണ്ടുപേർ അറസ്റ്റിൽ. റാന്നി സ്വദേശി പിൽജ, മലപ്പുറം സ്വദേശി ഷംസീർ എന്നിവരെയാണ് ത്യക്കാക്കര പൊലീസ് അറസ്റ്റ് ചെയ്തത്.
എറണാകുളം വാഴക്കാലയിൽ വീട് വാടകയ്ക്ക് എടുത്തായിരുന്നു വിൽപന. ഇവരിൽ നിന്ന് 13 ഗ്രാം എം ഡി എം എയും പിടിച്ചെടുത്തിട്ടുണ്ട്.
അതേസമയം, ആലപ്പുഴയിൽ ജീൻസിന്‍റെ പോക്കറ്റിൽ ഒളിപ്പിച്ച എം ഡി എം എയുമായി യുവാവിനെ റെയിൽവേ പൊലീസ് അറസ്റ്റ് ചെയ്തിരുന്നു. തിരുവനന്തപുരം നെടുമങ്ങാട് പൊട്ടൻചിറ ചെറ്റച്ചൽ കൊച്ചുകരിക്കകത്ത് കോണോത്ത് വീട്ടിൽ മോനു (32) ആണ് അറസ്റ്റിലായത്.
ആലപ്പുഴ റെയിൽവേ സ്റ്റേഷൻ പ്ലാറ്റ്ഫോമിൽ ഇന്നലെ രാവിലെ സംശയകരമായ സാഹചര്യത്തിൽ കണ്ടതിനെ തുടർന്നാണ് പൊലീസ് ദേഹപരിശോധന നടത്തിയത്. ജീൻസിന്‍റെ പോക്കറ്റിൽ പഴ്സിൽ ഒളിപ്പിച്ച് 0.530 ഗ്രാം എം ഡി എം എ കണ്ടെത്തുകയായിരുന്നു.
റെയിൽവേ എസ് ഐ ഷാനിഫ് എച്ച് എസിന്‍റെ നേതൃത്വത്തിൽ ഗ്രേഡ് എസ് ഐ വിനോദ് കുമാർ, ഗ്രേഡ് എ എസ് ഐ ജയപ്രകാശ്, സീനിയർ സി പി ഒ മാരായ വി വി ഷൈൻ, ശ്യാംലാൽ, മോൻസിനാഥ് എന്നിവർ ചേർന്നാണ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
The post വീട് വാടകയ്ക്കെടുത്ത് ലഹരി മരുന്ന് വിൽപ്പന..! യുവതിയടക്കം രണ്ടുപേർ അറസ്റ്റിൽ..! 13 ഗ്രാം എംഡിഎംഎ പിടികൂടി appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
