മുംബൈ: ചിക്കന്‍ കറിയില്‍ നിന്ന് ചത്ത എലിക്കുഞ്ഞിനെ കിട്ടിയതിനെ തുടര്‍ന്ന് റെസ്‌റ്റോറന്റ് മാനേജര്‍ക്കും ഷെഫിനുമെതിരെ കേസ്. മുംബൈയിലെ റെസ്‌റ്റോറന്റില്‍ ഭക്ഷണം കഴിക്കാനെത്തിയ അനുരാഗ് സിങ്ങിനും കൂട്ടുകാരനുമാണ് ദുരനുഭവം ഉണ്ടായത്. കഴിഞ്ഞ ദിവസം മുംബയിലെ ഒരു പ്രമുഖ ഹോട്ടലിലാണ് ഞെട്ടിപ്പിക്കുന്ന സംഭവം അരങ്ങേറിയത്.
സംഭവത്തിൽ മുംബയിലെ ബാന്ദ്ര പ്രദേശത്ത് പ്രവര്‍ത്തിക്കുന്ന ജനപ്രിയ ഹോട്ടലിലെ മാനേജരെയും പാചകകാരനെയും പൊലീസ് അറസ്റ്റ് ചെയ്തു.
ഹോട്ടലില്‍ സുഹൃത്തുക്കളോടൊപ്പം ഭക്ഷണം കഴിക്കാനായി പോയതായിരുന്നുവെന്ന് പരാതിക്കാരനായ അനുരാഗ് സിംഗ് പറഞ്ഞു. ആവശ്യപ്പെട്ടത് അനുസരിച്ച്‌ ചിക്കൻ വിഭവം എത്തി. രുചിയില്‍ വ്യത്യാസം അനുഭവപ്പെട്ടതിനെ തുടര്‍ന്ന് സൂക്ഷമമായി പരിശോധിച്ചപ്പോഴാണ് ഭക്ഷണത്തില്‍ എലിയെ കണ്ടെത്തിയത്. ഇതിനെക്കുറിച്ച്‌ ചോദിച്ചപ്പോള്‍ ഹോട്ടല്‍ മാനേജര്‍ വ്യക്തമായ മറുപടി നല്‍കിയില്ല എന്നും അനുരാഗ് സിംഗ് പരാതിയില്‍ പറയുന്നു. തുടര്‍ന്ന് ഇരുവരും ചേര്‍ന്ന് ദൃശ്യങ്ങള്‍ സോഷ്യല്‍മീഡിയയില്‍ പങ്കുവെച്ചു.
റെസ്‌റ്റോറന്റ് മാനേജര്‍ക്കും ഷെഫിനുമെതിരെ വിവിധ വകുപ്പുകള്‍ അനുസരിച്ച്‌ കേസെടുത്ത് പൊലീസ് അന്വേഷണം ആരംഭിച്ചിട്ടുണ്ട്.
The post ചിക്കന്‍ കറിയില്‍ എലിക്കുഞ്ഞ്; റെസ്‌റ്റോറന്റ് മാനേജര്‍ക്കും ഷെഫിനുമെതിരെ കേസ് appeared first on Malayoravarthakal.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
