സ്വന്തം ലേഖകൻ
കോട്ടയം: സംക്രാന്തിയിൽ നീലിമംഗലത്തിന് സമീപം എംസി റോഡരികിൽ കാല് വേർപെട്ട നിലയിൽ മൃതദേഹം കണ്ടെത്തിയ സംഭവത്തിൽ വഴിത്തിരിവ്. ലോറിയില്‍ കെട്ടിയിരുന്ന കയര്‍ ദേഹത്ത് കുരുങ്ങിയാണ് മധ്യവയസ്‌കൻ മരണപ്പെട്ടത്.
കോട്ടയം ചുങ്കം സ്വദേശി മുരളി (50) ആണ് മരിച്ചത്. കോട്ടയം സംക്രാന്തിയിലാണ് സംഭവം. പ്രഭാത നടത്തത്തിനിടെയാണ് മുരളിയുടെ ദേഹത്ത് കയര്‍ കുരുങ്ങിയത്. മുരളിയുമായി ലോറി കുറച്ചു ദൂരം മുന്നോട്ടു നീങ്ങി. കാലും മൃതദേഹവും റോഡിന്റെ ഇരു വശങ്ങളിലായി വേർപെട്ട നിലയിലാണ് കണ്ടെത്തിയത്.
പച്ചക്കറി കയറ്റി വന്ന ലോറിയുടെ കെട്ടഴിഞ്ഞ് വീണ കയറാണ് മുരളിയുടെ കാലിൽ ഉടക്കി അപകടമുണ്ടാക്കിയത്.
ചവിട്ടുവരിയിലെ പച്ചക്കറി മൊത്തവ്യാപാര സ്ഥാപനത്തിലേ
ക്ക് പച്ചക്കറിയുമായി എത്തിയ
ലോറിയാണ് അപകടത്തിൽ പെട്ടതെന്ന് സൂചനയുണ്ട്.
സംഭവത്തില്‍ ലോറി ഡ്രൈവറെയും സഹായിയെയും ഗാന്ധിനഗർ പോലീസ് കസ്റ്റഡിയിലെടുത്തു.
സമാന അപകടത്തിൽ കയർ കുരുങ്ങി
ബൈക്ക് യാത്രക്കാരായ ദമ്പതികൾക്കും പരിക്കേറ്റിട്ടുണ്ട്. പെരുമ്പായിക്കാട് സ്വദേശികളായ ബിജു, ജോബി എന്നിവർ കോട്ടയം മെഡിക്കൽ കോളേജ് ആശുപത്രിൽ ചികിൽസ തേടിയിട്ടുണ്ട്. എന്നാൽ ഇവർക്ക് പരിക്കേറ്റത് ഇതേ ലോറിയുടെ കയർ കുരുങ്ങിയാണോ എന്ന് വ്യക്തമല്ല.
രാവിലെ അഞ്ചര മണിക്കായിരുന്നു അപകടം.
The post കോട്ടയം നീലിമംഗലത്ത് റോഡരികിൽ കാല് വേർപെട്ട നിലയിൽ മൃതദേഹം കണ്ടെത്തിയ സംഭവം ; ലോറിയില്‍ കെട്ടിയിരുന്ന കയര്‍ ദേഹത്ത് കുരുങ്ങിയാണ് മധ്യവയസ്‌കന് ദാരൂണാന്ത്യം സംഭവിച്ചത് ; മരിച്ചത് കോട്ടയം ചുങ്കം സ്വദേശി മുരളി appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
