ഇംഫാല്‍: സംഘര്‍ഷം ഒഴിയാതെ മണിപ്പുര്‍. തലസ്ഥാനമായ ഇംഫാലില്‍ പ്രതിഷേധക്കാരും സുരക്ഷാസേനയും തമ്മില്‍ ഏറ്റുമുട്ടി. സംഘര്‍ഷത്തില്‍ ഏതാനുപേർക്ക് പരിക്കേറ്റതായും വീടുകള്‍ അഗ്നിക്കിരയാക്കപ്പെട്ടതായും പോലീസ് അറിയിച്ചു.
ഇംഫാലിലെ ന്യൂ ചെക്കോണ്‍ മേഖലയിലാണ് സംഘര്‍ഷം പൊട്ടിപ്പുറപ്പെട്ടത്. സ്ഥിതി നിയന്ത്രണവിധേയമാക്കാന്‍ പോലീസ് കണ്ണീര്‍വാതകം പ്രയോഗിച്ചു. സംസ്ഥാന സര്‍ക്കാര്‍ പ്രഖ്യാപിച്ച കര്‍ഫ്യൂ നിലനില്‍ക്കവേയാണ് സംഘര്‍ഷം. ഒരു വീട്ടില്‍ പടര്‍ന്ന തീ അണയ്ക്കാന്‍ അഗ്നിരക്ഷാസേന ശ്രമിക്കുന്നതിന്റെ ദൃശ്യങ്ങള്‍ പുറത്തെത്തിയിട്ടുണ്ട്.
ബുധനാഴ്ച, ഖമെന്‍ലോക് ഗ്രാമത്തിലുണ്ടായ സംഘര്‍ഷത്തില്‍ ഒരു സ്ത്രീ ഉള്‍പ്പെടെ ഒന്‍പതു പേര്‍ കൊല്ലപ്പെട്ടിരുന്നു. ഇതിന് പിന്നാലെയാണ് വ്യാഴാഴ്ചയും സംഘര്‍ഷമുണ്ടായത്.
ബുധനാഴ്ച മണിപ്പുരിലെ ഏക വനിതാ മന്ത്രിയുടെ ഔദ്യോഗിക വസതിക്ക് പ്രതിഷേധക്കാര്‍ തീയിട്ടിരുന്നു. വ്യവസായ വകുപ്പു മന്ത്രി നെംച കിപ്‌ഗെന്റെ വസതിയ്ക്കു നേരെയായിരുന്നു ആക്രമണമുണ്ടായത്. എന്നാല്‍, ആക്രമണ സമയത്ത് മന്ത്രി വസതിയില്‍ ഉണ്ടായിരുന്നില്ല.
The post മണിപ്പുരിൽ വീണ്ടും സംഘര്‍ഷം: പ്രതിഷേധക്കാരും സുരക്ഷാസേനയും ഏറ്റുമുട്ടി appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
