രണ്ടാം വിവാഹത്തിനൊരുങ്ങിയ സഹോദരിയെ വെട്ടിക്കൊലപ്പെടുത്തി: സഹോദരന്മാർക്ക് ജീവപര്യന്തം തടവ്

തലശ്ശേരി ∙ രണ്ടാം വിവാഹത്തിനൊരുങ്ങിയ കേസിൽ 2 സഹോദരന്മാർക്ക് ജീവപര്യന്തം കഠിന തടവും 60,000 രൂപ വീതം പിഴയും. ഉളിയിൽ പടിക്കച്ചാലിലെ ഖദീജയെ (28) കൊലപ്പെടുത്തിയ കേസിൽ സഹോദരങ്ങളായ കെ.എൻ.

ഇസ്മയിൽ (38), കെ.എൻ. ഫിറോസ് (34) എന്നിവരെയാണ് ഒന്നാം അഡീഷണൽ ജില്ലാ സെഷൻസ് കോടതി ശിക്ഷിച്ചത്.

അന്തിമവാദത്തിൽ ഖദീജയുടേത് അല്ലെന്ന് പ്രതിഭാഗം വാദിച്ചിരുന്നു. എന്നാൽ ദുരഭിമാനക്കൊല ആണെന്നും വധശിക്ഷ നൽകണമെന്നുമാണ് പ്രോസിക്യൂഷൻ വാദിച്ചത്.

മറ്റു പ്രതികളെ കോടതി വെറുതെ വിട്ടിരുന്നു.
2012 ഡിസംബർ 12 നാണ് കേസിനാസ്പദമായ സംഭവം. ഖദീജയെ കൊലപ്പെടുത്തുകയും ഖദീജയുെട

കാമുകൻ കോഴിക്കോട് ഫറോക്കിലെ കോടമ്പുഴ ഷാഹുൽ ഹമീദിനെ (43) കൊലപ്പെടുത്താൻ ശ്രമിക്കുകയും ചെയ്തു എന്നാണ് കേസ്. പഴശ്ശി കുഴിക്കലിലെ ജസീല മൻസിലിൽ കെ.

നൗഷാദ് ആയിരുന്നു ഖദീജയുടെ ഭർത്താവ്. ഈ ബന്ധത്തിൽ രണ്ടു പെൺമക്കളുണ്ട്.

ഇതിനിടയിലാണ് ഷാഹുൽ ഹമീദുമായി ഖദീജ സ്നേഹത്തിലാവുന്നത്. ഈ ബന്ധം ഒഴിവാക്കാനായി പറഞ്ഞെങ്കിലും പിൻമാറാത്തതിലുള്ള വിരോധമാണ് കൊലയ്ക്ക് കാരണമായത്.

രണ്ടാംവിവാഹം നടത്താനെന്ന വ്യാജേന ഖദീജയെയും ഷാഹുൽ ഹമീദിനെയും നാട്ടിൽ എത്തിച്ചശേഷമാണ് അക്രമം നടത്തിയത്. ഷാഹുൽ ഹമീദിന് സാരമായി പരുക്കേറ്റിരുന്നു.

…