സ്വന്തം ലേഖിക
ഇടുക്കി: ചിന്നക്കനാല്‍ വീണ്ടും കാട്ടാന ഭീതിയില്‍.
അരിക്കൊമ്പന്റെ വിഹാരകേന്ദ്രമായിരുന്ന ചിന്നക്കനാലിലെ 301 കോളനിയില്‍ കാട്ടാന ആക്രമണമുണ്ടായി.
301 കോളനിയിലെ ജ്ഞാനജ്യോതിയമ്മാളിന്റെ വീടിന് നേരെയായിരുന്നു വൈകുന്നേരം ഏഴരയോടെ കാട്ടാന ആക്രമണമുണ്ടായത്.
വീടിന്റെ അടുക്കളഭാഗവും മുൻഭാഗവും ആന തകര്‍ത്തു. വീട്ടിലെ താമസക്കാരായ ജ്ഞാനജ്യോതി അമ്മാളും മകള്‍ ഷീലയും സംഭവസമയം വീട്ടിലുണ്ടായിരുന്നില്ല.
ചക്കക്കൊമ്പനാണ് വീട് തകര്‍ത്തതെന്നാണ് നാട്ടുകാര്‍ അറിയിക്കുന്നത്.
അരിക്കൊമ്പനെ മയക്കുവെടി വെച്ച്‌ പിടികൂടി നാടുകടത്തിയിട്ടും പ്രദേശത്തെ കാട്ടാനകളുടെ സാന്നിദ്ധ്യത്തിന് മാറ്റമുണ്ടായിട്ടില്ല.
കഴിഞ്ഞമാസം ചക്കക്കൊമ്പന്റെ ആക്രമണത്തില്‍ ഒരാള്‍ക്ക് പരിക്കേറ്റിരുന്നു. ചിന്നക്കനാല്‍ 301 കോളനിയിലെ തന്നെ കുമാറിനാണ് കാട്ടാനയുടെ ആക്രമണത്തില്‍ പരിക്കേറ്റത്.
The post അരിക്കൊമ്പനൊഴിഞ്ഞിട്ടും ചിന്നക്കനാല്‍ കാട്ടാനഭീതിയില്‍; 301 കോളനിയില്‍ വീട് തകര്‍ത്തു; ചക്കക്കൊമ്പനെന്ന് നാട്ടുകാര്‍ appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
