തിരുവനന്തപുരം: ഇത്തവണത്തെ ഒന്നാം വര്‍ഷ ഹയര്‍ സെക്കന്‍ഡറി പരീക്ഷയുടെ ചോദ്യപേപ്പര്‍ കുറച്ച് വ്യത്യസ്തമാണ്. എന്നാല്‍ ഈ വ്യത്യസ്തത കുട്ടികളില്‍ ബുദ്ധിമുട്ടുണ്ടാക്കി. രാവിലെ 9.30നാണ് പരീക്ഷാഹാളില്‍ ചോദ്യപേപ്പര്‍ എത്തിയത്. പതിവുപോലെ നടപടിക്രമം ഒക്കെ പൂര്‍ത്തിയാക്കി കെട്ട് പൊട്ടിച്ച് ചോദ്യം കണ്ടപ്പോഴേ അധ്യാപകര്‍ ഞെട്ടി. അക്ഷരങ്ങള്‍ അച്ചടിച്ചിരിക്കുന്നത് കറുപ്പിലല്ല, പകരം ചുവപ്പ് മഷിയില്‍. അധ്യാപകര്‍ പരസ്പരം സംസാരിച്ച് ഉറപ്പുവരുത്തിയ ശേഷം ചോദ്യപേപ്പര്‍ കുട്ടികള്‍ക്ക് വിതരണം ചെയ്തു.
കുട്ടികളിലും ഈ ഞെട്ടല്‍ ആവര്‍ത്തിച്ചു. ഒന്നാം വര്‍ഷ വിദ്യാര്‍ഥികളുടെ പരീക്ഷയിലാണ് വിദ്യാഭ്യാസ വകുപ്പിന്റെ പുതിയ പരീക്ഷണം. വെള്ള പേപ്പറില്‍ ചുവന്ന നിറത്തില്‍ ചോദ്യങ്ങള്‍ പ്രിന്റ് ചെയ്തിരിക്കുന്നു. വെറൈറ്റി ആണെങ്കിലും നിറംമാറ്റം കണ്ണിന് ബുദ്ധിമുട്ടുണ്ടാക്കുന്നു എന്ന് കുട്ടികള്‍ പറയുന്നു.
പ്ലസ് ടു വിദ്യാര്‍ത്ഥികള്‍ക്ക് പഴയപോലെ കറുപ്പ് മഷിയില്‍ തന്നെയാണ് ചോദ്യപ്പേപ്പര്‍ അചടിച്ചിരിക്കുന്നത്. വി എച്ച് എസ് ഇ കുട്ടികള്‍ക്കും മാറ്റമില്ല. ഏകപക്ഷീയമായി തീരുമാനങ്ങള്‍ നടപ്പിലാക്കി ഹയര്‍ സെക്കണ്ടറി മേഖല കലുഷിതമാക്കാനുള്ള നീക്കമാണ് ഇതെന്ന് അധ്യാപക സംഘടനയായ എ എച്ച് എസ് ടി എ ആരോപിച്ചു.
The post ചുവന്ന നിറത്തില്‍ ചോദ്യപേപ്പര്‍: കണ്ണിന് ബുദ്ധിമുട്ടെന്ന് കുട്ടികള്‍ appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
