ന്യൂഡല്‍ഹി: നന്ദി പ്രമേയ ചര്‍ച്ചയ്ക്ക് രാജ്യസഭയില്‍ പ്രധാനമന്ത്രി നരേന്ദ്രമോദി ഇന്ന് മറുപടി പറയും. അദാനിയുമായി ബന്ധപ്പെട്ട് കോണ്‍ഗ്രസ് നേതാവ് രാഹുല്‍ഗാന്ധി ഉന്നയിച്ച ആരോപണങ്ങള്‍ക്ക് പ്രധാനമന്ത്രി ഇന്നലെ മറുപടി നല്‍കിയിരുന്നില്ല. ഈ നിലപാട് രാജ്യസഭയിലും തുടരാനാണ് സാധ്യത.
അദാനിയും നരേന്ദ്ര മോദിയും ചേര്‍ന്ന് നിരവധി വിദേശയാത്രകള്‍ നടത്തിയിട്ടുണ്ടെന്നും ഇതെല്ലാം അദാനിയെ സഹായിക്കാന്‍ വേണ്ടിയാണ് എന്നുമായിരുന്നു രാഹുല്‍ഗാന്ധി ആരോപിച്ചത്. കോണ്‍ഗ്രസ് പ്രസിഡന്റ് മല്ലികാര്‍ജുന്‍ ഖാര്‍ഗെയും പ്രധാനമന്ത്രിയേയും അദാനിയേയും ചേര്‍ത്ത് രാജ്യസഭയില്‍ ആരോപണം ഉന്നയിച്ചിരുന്നു.
നന്ദിപ്രമേയ ചര്‍ച്ചയ്ക്ക് പിന്നാലെ ലോക്‌സഭയില്‍ ബജറ്റിന്മേല്‍ പൊതു ചര്‍ച്ച നടക്കും. അതേസമയം രാഹുല്‍ഗാന്ധിയുടെ പ്രസംഗത്തിലെ ഭാഗങ്ങള്‍ നീക്കം ചെയ്ത സ്പീക്കറുടെ നടപടിയില്‍ കോണ്‍ഗ്രസ് പ്രതിഷേധം കടുപ്പിച്ചു. 53 മിനുട്ട് ദൈര്‍ഘ്യമുള്ള പ്രസംഗത്തില്‍ നിന്നും മോദിയേയും അദാനിയേയും ബന്ധപ്പെടുത്തിയുള്ള 18 പരാമര്‍ശങ്ങളാണ് രേഖയില്‍ നിന്നും നീക്കം ചെയ്തത്.
The post രാജ്യസഭയില്‍ ഇന്ന് പ്രധാനമന്ത്രിയുടെ മറുപടി; അദാനിക്കെതിരായ പരാമർശങ്ങള്‍ നീക്കിയതില്‍ പ്രതിഷേധം കടുപ്പിച്ച് കോണ്‍ഗ്രസ് appeared first on Malayoravarthakal.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
