ശ്രീനഗറിൽ: ജമ്മുകശ്മീരിൽ വീണ്ടും ഭീകരാക്രമണം. ശ്രീനഗറിലെ ലാൽചൗക്കിലെ മായിസുമയിലുണ്ടായ ഭീകരാക്രമണത്തിൽ ഒരു സൈനികൻ വീരമൃത്യു വരിച്ചതായാണ് വിവരം. സിആർപിഎഫ് ജവാൻമാർ സഞ്ചരിച്ചിരുന്ന വാഹനത്തിന് നേരെ ഭീകരർ വെടിയുതിർക്കുകയായിരുന്നു.
ആക്രമണത്തിൽ രണ്ട് ജവാൻമാർക്ക് പരിക്കേറ്റിട്ടുണ്ട്.ആക്രമണത്തിൽ പരിക്കേറ്റ ജവാൻമാരെ ഉടൻ തന്നെ ആശുപത്രിയിലെത്തിച്ചുവെങ്കിലും ഒരു ജവാന് മരണം സംഭവിക്കുകയായിരുന്നു.
ശ്രീനഗറിലെ ഭീകരാക്രമണത്തിന് പിന്നാലെ പുൽവാമയിലെ ലജുറ ഗ്രാമത്തിലും ഭീകരർ ആക്രമണം നടത്തിയതായി റിപ്പോർട്ടുകളുണ്ട്. ലജുറ ഗ്രാമത്തിൽ പ്രദേശവാസികളല്ലാത്ത രണ്ട് പേർക്ക് നേരെ ഭീകരർ വെടിയുതിർത്തു. പരിക്കേറ്റ ഇരുവരും ആശുപത്രിയിലാണ്. പ്രദേശം സൈന്യം വളഞ്ഞിരിക്കുകയാണെന്നാണ് റിപ്പോർട്ട്.
പുൽവാമയിലും ശ്രീനഗറിലും ഭീകരരും സൈന്യവും തമ്മിലുള്ള ഏറ്റുമുട്ടൽ ഇപ്പോഴും തുടരുകയാണ്. അതിർത്തി പ്രദേശങ്ങളിലടക്കം തിരച്ചിൽ ശക്തമായി തുടരുകയാണ്.
The post appeared first on .
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
