സ്വന്തം ലേഖകൻ
കോട്ടയം: മരങ്ങാട്ടുപിള്ളിയിൽ കാട്ടുകടന്നലിന്റെ കുത്തേറ്റ വെച്ചൂർ പശു ചത്തു. മൂന്നുവർഷം പ്രായമുള്ള പശുവിനെ പറമ്പിൽ കെട്ടിയിരിക്കുകയായിരുന്നു. എട്ടുമാസം ഗർഭിണിയായ പശുവിനെ കാട്ടുകടന്നൽ കൂട്ടത്തോടെ കുത്തുകയായിരുന്നു.
മരങ്ങാട്ടുപിള്ളി അന്തനാട്ട് എ എസ് രാധാകൃഷ്ണന്റെ പശുവാണ് ചത്തത്. വ്യാഴാഴ്ച്ചയാണ് ജൈവകർഷകനായ രാധാകൃഷ്ണന്റെ പശുവിനെ കടന്നലുകൾ ആക്രമിച്ചത്. രണ്ടുദിവസം ചികിൽസിച്ചെങ്കിലും ഫലം ഉണ്ടായില്ല. രാധാകൃഷ്ണന്റെ ഭാര്യ കമലം രാധാകൃഷ്ണനും കടന്നലിന്റെ കുത്തേറ്റിരുന്നു.
വെള്ളം കൊടുക്കാനായി കമലം ഉച്ചയോടെ എത്തുമ്പോൾ കടന്നൽ കുത്തേറ്റത്തിന്റെ വെപ്രാളത്തിലായിരുന്നു പശു. കമല കയർ അഴിച്ചുവിട്ടു. ഈ സമയത്താണ് അവർക്ക് കുത്തേറ്റത്. തൊഴുത്തിൽ എത്തിയപ്പോഴും കടന്നലുകൾ പിന്നാലെ ഉണ്ടായിരുന്നു.
The post കോട്ടയം മരങ്ങാട്ടുപള്ളിയിൽ കാട്ടുകടന്നലിന്റെ കുത്തേറ്റ വെച്ചൂർ പശു ചത്തു; എട്ടുമാസം ഗർഭിണിയായ പശുവിനാണ് കുത്തേറ്റത് appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
