ചൈനയുടെ ചാരബലൂൺ ലാറ്റിൻ അമേരിക്കയിലും കണ്ടെത്തിയതായി റിപ്പോർട്ട്. യുഎസ് പ്രതിരോധ വിഭാഗമായ പെന്റഗൺ വക്താവ് പാറ്റ് റൈഡർ ആണ് ഇക്കാര്യം സ്ഥിരീകരിച്ചത്. അമേരിക്കയിലെ മോണ്ടാനയിലാണ് ആദ്യത്തെ ചാര ബലൂൺ കണ്ടെത്തിയത്. അതിനു തൊട്ടു പിന്നാലെയാണ് ഇപ്പോൾ ലാറ്റിൻ അമേരിക്കയിലും കണ്ടെത്തിയിരിക്കുന്നത്.
യുഎസ് വ്യോമാതിർത്തി ചൈന ലംഘിച്ചതിനെ കുറിച്ച് പ്രസിഡന്റ് ജോ ബൈഡനെ അറിയിച്ചിട്ടുണ്ടെന്നും സ്ഥിതിഗതികൾ അദ്ദേഹം സൂക്ഷ്മമായി നിരീക്ഷിച്ചു വരികയാണെന്നും വൈറ്റ് ഹൗസ് വ്യക്തമാക്കി. പൊതുജനങ്ങളുടെ സുരക്ഷ കണക്കിലെടുത്ത് ബലൂണ്‍ നശിപ്പിക്കരുതെന്നു നിർദേശം നൽകിയതായും വൈറ്റ് ഹൗസ് അറിയിച്ചു. 3 ബസുകളുടെ വലുപ്പം വരുന്ന ബലൂൺ വെടിവച്ചിടാൻ യുദ്ധവിമാനങ്ങൾ ഒരുക്കിയെങ്കിലും അവശിഷ്ടങ്ങൾ സുരക്ഷാപ്രശ്നമുണ്ടാക്കാമെന്നു സൈനിക ഉപദേഷ്ടാക്കൾ അറിയിച്ചതിനെ തുടർന്നാണ് പ്രസിഡന്റ് ജോ ബൈഡൻ അതു വേണ്ടെന്നു നിർദേശം നൽകിയത്.
ചൈന യുഎസ് വ്യോമാതിർത്തി ലംഘിച്ചതിനെ കുറിച്ച് പ്രസിഡന്റ് ബൈഡനെ അറിയിച്ചിട്ടുണ്ടെന്നും അദ്ദേഹം സാഹചര്യം സൂക്ഷ്മമായി നിരീക്ഷിച്ചു വരികയാണെന്നും വൈറ്റ് ഹൗസ് പറഞ്ഞു. പൊതുസുരക്ഷ കണക്കിലെടുത്താണ് യുദ്ധവിമാനങ്ങൾ ഉപയോഗിച്ചുകൊണ്ട് ബലൂണുകൾ വെടിവെച്ച് ഇടാനുള്ള ശ്രമം താൽക്കാലികമായി ഉപേക്ഷിച്ചത്. എന്നാൽ, ഇവ കർശനമായ നിരീക്ഷണത്തിന് കീഴിലാണെന്നും വേണ്ട നടപടികൾ സ്വീകരിക്കുമെന്നും പെന്റഗൺ അറിയിച്ചു.
ബലൂൺ ഇപ്പോൾ വിമാനപാതകൾക്കും മുകളിൽ 80,000 മുതൽ ഒരു ലക്ഷം വരെ അടി ഉയരത്തിൽ ആണ് സഞ്ചരിച്ചുകൊണ്ടിരിക്കുന്നത്. യുഎസ് യുദ്ധവിമാനങ്ങൾ ഇതിനെ നിരന്തരം നിരീക്ഷിക്കുന്നുണ്ട്. കുറച്ചുദിവസത്തേക്ക് ഇത് അമേരിക്കൻ ആകാശത്തുണ്ടായിരിക്കും എന്ന് തന്നെയാണ് പ്രാഥമിക നിഗമനം.
The post ലാറ്റിൻ അമേരിക്കയിലും ചൈനീസ് ചാരബലൂൺ; 3 ബസുകളുടെ വലുപ്പം, വെടിവച്ചിടാൻ യുദ്ധവിമാനങ്ങൾ appeared first on Navakerala News.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
