നിന്റെൻഡോയുടെ പ്രശസ്ത ഗെയിം ‘സൂപ്പർ സ്മാഷ് ബ്രോസ് മെലീ’ ആൻഡ്രോയിഡിലേക്ക് വരുന്നു

നിന്റെൻഡോ ഗെയിംക്യൂബ് ആരാധകർക്ക് ആവേശം പകരുന്ന വാർത്തയുമായി ഡെവലപ്പർമാർ രംഗത്ത്. എക്കാലത്തെയും മികച്ച ഫൈറ്റിംഗ് ഗെയിമുകളിലൊന്നായ സൂപ്പർ സ്മാഷ് ബ്രോസ് മെലീ (Super Smash Bros Melee) ഉടൻ തന്നെ ആൻഡ്രോയിഡ് ഡിവൈസുകളിലും ലഭ്യമായേക്കും.

ഗിതിഹബ്ബിലെ melee-pc എന്ന പ്രൊജക്റ്റിലെ ഒരു എമുലേറ്റർ ഡെവലപ്പറുടെ കഠിനപ്രയത്നഫലമായാണ് ഈ അനൗദ്യോഗിക ആൻഡ്രോയിഡ് പോർട്ട് യാഥാർത്ഥ്യമാകുന്നത്. കഴിഞ്ഞ ആഴ്ചയാണ് ഈ ക്ലാസിക് ഗെയിം വിജയകരമായി ഡികോംപൈൽ ചെയ്തത്.

തുടർന്ന് വളരെ പെട്ടെന്ന് തന്നെ വിൻഡോസ്, ലിനക്സ്, ആൻഡ്രോയിഡ് പ്ലാറ്റ്‌ഫോമുകൾക്കായുള്ള പോർട്ടുകളുമായി ഗിതിഹബ്ബ് ഡെവലപ്പറായ 999sian രംഗത്തെത്തുകയായിരുന്നു. സമാനമായ അനൗദ്യോഗിക എമുലേഷൻ പ്രൊജക്ടുകളിൽ പതിവുള്ളതുപോലെ, ഗെയിം പ്രവർത്തിപ്പിക്കുന്നതിനാവശ്യമായ ഫയലുകൾ ഡെവലപ്പർ നേരിട്ട് നൽകുന്നില്ല.

പകരം, ആ ഫയലുകൾ ഉപയോഗിച്ച് ഗെയിം പ്രവർത്തിക്കാൻ സഹായിക്കുന്ന സോഫ്റ്റ്‌വെയർ മാത്രമാണ് ലഭ്യമാക്കിയിരിക്കുന്നത്. ഇതിനായി യു.എസ്.

പതിപ്പ് ഡിസ്ക് ഇമേജ് (v1.02) ഉപയോഗിക്കാനാണ് നിർദ്ദേശം. വിൻഡോസ്, ലിനക്സ് പതിപ്പുകൾ മികച്ച രീതിയിൽ പ്രവർത്തിക്കുന്നുണ്ടെന്നാണ് റിപ്പോർട്ട്.

ഇന്റേണൽ റെസല്യൂഷൻ ട്വീക്കുകൾ, ആന്റിഅലിയാസിങ്, എഫ്.പി.എസ് കൗണ്ടർ, ഗെയിംപാഡ് സപ്പോർട്ട് തുടങ്ങിയ വിവിധ ഫീച്ചറുകൾ ഈ എമുലേറ്ററിലുണ്ട്. എന്നാൽ നിലവിൽ ഡൗൺലോഡ് ചെയ്യാൻ സാധിക്കുമെങ്കിലും, ഇതിന്റെ ആൻഡ്രോയിഡ് പതിപ്പ് പൂർണ്ണമായി പ്രവർത്തനക്ഷമമായിട്ടില്ല.

v0.1.0 ബീറ്റ പതിപ്പായതുകൊണ്ട് തന്നെ ആശങ്കകൾ ഉണ്ടെങ്കിലും, ഡെവലപ്പറുടെ മുൻകാല റെക്കോർഡുകൾ പ്രതീക്ഷ നൽകുന്നതാണ്. മുൻപ് ‘ദി ലെജൻഡ് ഓഫ് സെൽഡ: ദി മിനിഷ് കാപ്പ്’ (The Legend of Zelda: The Minish Cap) പിസിയിലേക്കും ആൻഡ്രോയിഡിലേക്കും പോർട്ട് ചെയ്ത ചരിത്രമുള്ളയാളാണ് ഈ ഡെവലപ്പർ.

അതിനാൽ ഈ പ്രൊജക്റ്റ് സുരക്ഷിതമായ കരങ്ങളിലാണെന്ന് കരുതാം. ഗെയിം ഔദ്യോഗികമായി പുറത്തിറങ്ങാൻ സമയമെടുക്കുമെങ്കിലും റെട്രോ ഗെയിമിംഗ് പ്രേമികൾ ഏറെ പ്രതീക്ഷയോടെയാണ് ഈ മാറ്റത്തെ ഉറ്റുനോക്കുന്നത്.