സംസ്ഥാനത്തെ അതീവ സുരക്ഷാ മേഖലയായ കണ്ണൂർ സെൻട്രൽ ജയിലിൽ കാപ്പ തടവുകാർ തമ്മിൽ ഏറ്റുമുട്ടൽ നടന്നു. തടവുകാർ തമ്മിലുണ്ടായ സംഘർഷത്തിനിടയിൽ ഒരാൾക്ക് കുത്തേറ്റതായാണ് ഔദ്യോഗിക വിവരം.
സാമൂഹ്യവിരുദ്ധ പ്രവർത്തനങ്ങൾ തടയുന്നതിനുള്ള നിയമമായ കാപ്പ പ്രകാരം ജയിലിൽ അടയ്ക്കപ്പെട്ട തടവുകാരാണ് പരസ്പരം ഏറ്റുമുട്ടിയത്.
സംഭവത്തിൽ കോട്ടയം സ്വദേശിയായ മനുവിനാണ് പരിക്കേറ്റതും കുത്തേറ്റതും. എറണാകുളം സ്വദേശിയായ അപ്പു എന്ന തടവുകാരനാണ് മനുവിനെ ആക്രമിച്ചതെന്നാണ് പ്രാഥമിക വിവരം ലഭിച്ചിട്ടുള്ളത്.
ഗുരുതരമായി പരിക്കേറ്റ തടവുകാരനെ ഉടൻ തന്നെ പരിയാരം മെഡിക്കൽ കോളജ് ആശുപത്രിയിലേക്ക് മാറ്റി. ഇതിനിടയിൽ, കണ്ണൂർ സ്പെഷൽ സബ് ജയിലിൽ ജയിൽ ഉദ്യോഗസ്ഥന് നേരെയും കയ്യേറ്റമുണ്ടായി.
പീഡനക്കേസുമായി ബന്ധപ്പെട്ട് റിമാൻഡിൽ കഴിയുന്ന സുഹൈൽ എന്ന തടവുകാരനാണ് ഡ്യൂട്ടിയിലുണ്ടായിരുന്ന അസിസ്റ്റന്റ് പ്രിസൺ ഓഫിസറെ മർദിച്ചത്. ഈ സംഭവത്തിൽ പൊലീസ് ഔദ്യോഗികമായി കേസെടുത്ത് അന്വേഷണം ആരംഭിച്ചിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
