“ജീവിതം മടുത്തു, മരിക്കുകയാണ്”; ഫോൺ കട്ടായി; പാഞ്ഞെത്തി ജീവൻ രക്ഷിച്ച പോലീസുകാർക്ക് നാടിന്റെ കയ്യടി.

ആലപ്പുഴ: വീട്ടിലെ ചുമരിൽ ആത്മഹത്യാക്കുറിപ്പ് എഴുതിവെച്ച ശേഷം കടലിൽ ചാടി ജീവനൊടുക്കാൻ ശ്രമിച്ച യുവാവിന് രക്ഷകരായി ആലപ്പുഴ ജില്ലാ പോലീസ്. സമയോചിതമായ ഇടപെടലിലൂടെ ഒരു ജീവൻ രക്ഷിച്ച പോലീസ് ഉദ്യോഗസ്ഥർക്ക് നാടിൻ്റെ പ്രശംസ.

സെപ്റ്റംബർ 23-ന് അർദ്ധരാത്രിയോടെ നടന്ന സംഭവത്തിൽ എ.എസ്.ഐ. നസീർ, എ.എസ്.ഐ.

ശ്രീവിദ്യ, സീനിയർ സിവിൽ പോലീസ് ഓഫീസർ ശ്യാംലാൽ എന്നിവരുടെ ധീരമായ പ്രവർത്തനമാണ് നിർണ്ണായകമായത്. പോലീസിൻ്റെ സ്നേഹപൂർണ്ണമായ സമീപനത്തെ തുടർന്ന് യുവാവ് ജീവിതത്തിലേക്ക് തിരികെവന്നു.

നിർണ്ണായകമായത് ആ ഫോൺ കോൾ; മിന്നൽവേഗത്തിൽ പോലീസ് ജീവിതം അവസാനിപ്പിക്കുകയാണെന്നും മരണത്തിൽ ആർക്കും പങ്കില്ലെന്നും ആലപ്പുഴ പോലീസ് കൺട്രോൾ റൂമിലേക്ക് വിളിച്ചറിയിച്ച ശേഷമാണ് യുവാവ് ഫോൺ കട്ട് ചെയ്തത്. സന്ദേശത്തിൻ്റെ ഗൗരവം ഉൾക്കൊണ്ട

കൺട്രോൾ റൂം, വിവരം രാത്രികാല പട്രോളിംഗ് നടത്തുകയായിരുന്ന സംഘത്തിന് ഉടൻതന്നെ കൈമാറി. എ.എസ്.ഐ.

നസീർ, എ.എസ്.ഐ. ശ്രീവിദ്യ, സീനിയർ സിവിൽ പോലീസ് ഓഫീസർ ശ്യാംലാൽ എന്നിവരടങ്ങിയ സംഘം എസ്.എച്ച്.ഒ.യെ വിവരമറിയിക്കുകയും സൈബർ സെല്ലിൻ്റെ സഹായം തേടുകയുമായിരുന്നു.

തുടർന്ന് നടത്തിയ പരിശോധനയിൽ യുവാവിൻ്റെ മൊബൈൽ ടവർ ലൊക്കേഷൻ ആലപ്പുഴ ബീച്ചിന് സമീപം കടലിലാണെന്ന് സ്ഥിരീകരിച്ചു. പ്രതികൂല സാഹചര്യങ്ങളെ അതിജീവിച്ച് രക്ഷാപ്രവർത്തനം വിവരം ലഭിച്ചയുടൻ പോലീസ് സംഘം ബീച്ചിലേക്ക് പാഞ്ഞെത്തി.

എന്നാൽ കനത്ത മഴയും കൂരിരുട്ടും രക്ഷാപ്രവർത്തനത്തിന് വെല്ലുവിളിയായി. മൊബൈൽ ലൊക്കേഷൻ പ്രകാരം യുവാവ് കടലിൽ ഇറങ്ങിക്കഴിഞ്ഞിരുന്നു.

ശക്തമായ തിരമാലകൾക്കിടയിൽ യുവാവിനെ കണ്ടെത്താൻ പ്രയാസപ്പെട്ടു. പെട്ടെന്ന് അടുത്തേക്ക് ചെന്നാൽ യുവാവ് കൂടുതൽ അപകടം விளைവിക്കുമോ എന്ന ഭയത്താൽ, പോലീസ് ഉദ്യോഗസ്ഥർ ഫോണിലൂടെ സംസാരിച്ച് അദ്ദേഹത്തെ അനുനയിപ്പിക്കാൻ തുടങ്ങി.

രക്ഷയായത് പോലീസിൻ്റെ സ്നേഹവാക്കുകൾ “ഞങ്ങൾ കൂടെയുണ്ട്, ഏത് പ്രശ്നത്തിനും പരിഹാരം കാണാം, സഹോദരാ തിരികെ കയറൂ” എന്നിങ്ങനെയുള്ള പോലീസിൻ്റെ ആശ്വാസവാക്കുകളാണ് യുവാവിന് ധൈര്യം പകർന്നത്. സംസാരത്തിൽ യുവാവ് ശാന്തനായെന്ന് ഉറപ്പുവരുത്തിയ ശേഷം എ.എസ്.ഐ.

നസീറും ശ്യാംലാലും ചേർന്ന് അതിസാഹസികമായി കടലിലിറങ്ങി യുവാവിനെ സുരക്ഷിതമായി കരയ്‌ക്കെത്തിച്ചു. തുടർന്ന് പോലീസ് സ്റ്റേഷനിലെത്തിച്ച് യുവാവിൻ്റെ പ്രശ്നങ്ങൾ കേൾക്കുകയും ആവശ്യമായ മാനസിക പിന്തുണയും സഹായങ്ങളും നൽകുകയും ചെയ്തു.

ഇതിനുശേഷമാണ് യുവാവിനെ ബന്ധുക്കളെ വിവരമറിയിച്ച് അവർക്കൊപ്പം അയച്ചത്. പോലീസിൻ്റെ അവസരോചിതവും മനുഷ്യത്വപരവുമായ ഇടപെടൽ ഒരു ജീവൻ രക്ഷിക്കുക മാത്രമല്ല, കേരള പോലീസിൻ്റെ യശസ്സ് ഉയർത്തുകയും ചെയ്തു.

FacebookTwitterWhatsAppTelegram