സിപിഎം പ്രവർത്തകൻ അഷ്‌റഫ് വധക്കേസ്, നാല് ആർഎസ്എസ് പ്രവ‌ർത്തകർക്ക് ജീവപര്യന്തം

.news-body p a {width: auto;float: none;}

കണ്ണൂർ: തലശേരിയിൽ സിപിഎം പ്രവർത്തകൻ അഷ്‌റഫിനെ കൊലപ്പെടുത്തിയ കേസിൽ നാല് ആർ എസ് എസ് പ്രവർത്തകരെ ജീവപര്യന്തം തടവിന് ശിക്ഷിച്ചു. പ്രതികൾ 5000 രൂപ വീതം പിഴയടയ്ക്കണം. 2011ൽ നടന്ന സംഭവത്തിൽ തലശേരി അഡീഷണൽ സെഷൻസ് കോടതിയാണ് വിധിച്ചത്. പ്രതികളായ പ്രനു ബാബു, നിധീഷ്, ഷിജിൽ, ഉജേഷ് എന്നിവരാണ് ശിക്ഷിക്കപ്പെട്ടത്.

ആർഎസ്എസ് പ്രവർത്തകരായ എട്ടുപേർക്കെതിരെയാണ് കൂത്തുപറമ്പ് പൊലീസ് കുറ്റപത്രം നൽകിയത്. രാഷ്ട്രീയ വിരോധം തീർക്കാൻ പ്രതികൾ അഷ്റഫിനെ സംഘം ചേർന്ന് കൊലപ്പെടുത്തിയെന്നാണ് കേസ്. അഞ്ചും ആറും പ്രതികളായ എം ആർ ശ്രീജിത്ത്‌, പി ബിനീഷ്‌ എന്നിവരെ വെറുതെ വിട്ടു. ഏഴും എട്ടും പ്രതികളായ ഷിജിൻ, സുജിത്ത് എന്നിവർ വിചാരണയ്ക്ക് മുൻപേ മരിച്ചിരുന്നു.