തിരുവനന്തപുരം: തൃശൂര് പൂരം കലക്കലിൽ തൃശൂര് ടൗണ് പൊലീസ് കേസെടുത്തു. തൃശൂര് പൂരം കലക്കലിലെ ഗൂഢാലോചന അന്വേഷിക്കുന്ന എസ്ഐടി സംഘത്തിലെ ഇന്സ്പെക്ടര് ചിത്തരഞ്ചന്റെ പരാതിയിലാണ് തൃശൂര് ടൗണ് പൊലീസ് എഫ്ഐആര് രജിസ്റ്റര് ചെയ്തത്.
കേസെടുത്തെങ്കിലും ആരെയും പൊലീസ് പ്രതിചേര്ത്തിട്ടില്ല. പൂരം കലക്കലുമായി ബന്ധപ്പെട്ട വിവിധ റിപ്പോര്ട്ടുകളുടെയും പരാതികളുടെയും അടിസ്ഥാനത്തിൽ ഗൂഢാലോചന അന്വേഷണിക്കണമെന്നാണ് പരാതി. തിരുവമ്പാടി ദേവസ്വത്തെ സംശയത്തിന്റെ നിഴലാക്കുന്നതായിരുന്നു തൃശൂര് പൂരം കലക്കലുമായി ബന്ധപ്പെട്ട് എഡിജിപി എംആര് അജിത്ത് കുമാര് നടത്തിയ അന്വേഷണ റിപ്പോര്ട്ട്. തിരുവമ്പാടി ദേവസ്വത്തെ പ്രതിയാക്കാതിരിക്കാനാണ് പൊതുവായ പരാതിയിൽ പൊലീസ് കേസെടുത്തത്.
പൂരം കലക്കൽ: എഡിജിപിയുടെ വീഴ്ചയടക്കം സമഗ്ര അന്വേഷണം നടക്കുന്നുവെന്ന് സർക്കാർ; ഹൈക്കോടതിയിൽ സത്യവാങ്മൂലം
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]