സംസ്ഥാനത്ത് ഇന്നും നാളെയും കനത്ത മഴയ്ക്ക് സാധ്യത; കടലാക്രമണം നിലനില്‍ക്കുന്നതിനാല്‍ മത്സ്യബന്ധനത്തിന് വിലക്ക്; തീരദേശവാസികള്‍ ജാഗ്രത പാലിക്കണം
സ്വന്തം ലേഖിക
തിരുവനന്തപുരം: സംസ്ഥാനത്ത് ഇന്നും നാളെയും കനത്ത മഴയ്ക്ക് സാധ്യതയെന്ന് കാലാവസ്ഥാ വകുപ്പ്. തുടര്‍ച്ചയായ അഞ്ച് ദിവസങ്ങളില്‍ ഇടിമിന്നലോട് കൂടിയ ഒറ്റപ്പെട്ട മഴ അനുഭവപ്പെടുന്നതാണ്.
നിലവില്‍, മധ്യ-പടിഞ്ഞാറൻ ബംഗാള്‍ ഉള്‍ക്കടലില്‍ ചക്രവാതച്ചുഴി രൂപപ്പെട്ടിട്ടുണ്ട്. ഇതിന്റെ സ്വാധീന ഫലമായാണ് തുടര്‍ച്ചയായ ദിവസങ്ങളില്‍ മഴ അനുഭവപ്പെടുന്നത്. മഴ കനക്കുമെങ്കിലും ഇന്നും നാളെയും ജില്ലകളില്‍ അലേര്‍ട്ടുകള്‍ പ്രഖ്യാപിച്ചിട്ടില്ല. അതേസമയം, ഞായറാഴ്ച ഇടുക്കി, പാലക്കാട് ജില്ലകളില്‍ യെല്ലോ അലേര്‍ട്ടാണ്.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group
രണ്ട് ചക്രവാതച്ചുഴികള്‍ രൂപം കൊണ്ടതിനാല്‍ മഴ വീണ്ടും കനക്കാൻ സാധ്യതയുണ്ട്. ഇത്തവണ മധ്യ-തെക്കൻ ജില്ലകളിലാണ് കൂടുതല്‍ മഴ അനുഭവപ്പെട്ടേക്കുക. കടലാക്രമണം നിലനില്‍ക്കുന്നതിനാല്‍ മത്സ്യബന്ധനത്തിന് വിലക്ക് ഏര്‍പ്പെടുത്തിയിട്ടുണ്ട്. ഉയര്‍ന്ന തിരമാലയ്ക്കും, വീശിയടിച്ചേക്കാവുന്ന കാറ്റിനും സാധ്യതയുള്ളതിനാല്‍ തീരദേശവാസികള്‍ ജാഗ്രത പാലിക്കേണ്ടതാണ്.
കൂടാതെ, മഴയ്ക്കൊപ്പം എത്തുന്ന ഇടിമിന്നലും അതീവ അപകടകാരിയാണ്. ഇടിമിന്നലിന്റെ ലക്ഷണങ്ങള്‍ കണ്ടാലുടൻ തന്നെ ആവശ്യമായ മുൻകരുതലുകള്‍ സ്വീകരിക്കണം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
