അമേരിക്കയിലേക്ക് യാത്ര ചെയ്യാനൊരുങ്ങുന്നവർക്ക് കനത്ത തിരിച്ചടിയായി പുതിയ കുടിയേറ്റ നിയന്ത്രണങ്ങൾ വരുന്നു. ഇതിന്റെ ഭാഗമായി യുഎസിലേക്കുള്ള വീസ അഭിമുഖങ്ങളും മറ്റ് അനുബന്ധ നടപടികളും അമേരിക്കൻ എംബസികളിലും കോൺസുലേറ്റുകളിലും താത്കാലികമായി നിർത്തിവെച്ചതായി വാർത്താ ഏജൻസികൾ റിപ്പോർട്ട് ചെയ്തു.
വാഷിങ്ടൻ കേന്ദ്രീകരിച്ചാണ് ഈ നിർണായക തീരുമാനമുണ്ടായിരിക്കുന്നത്. നടപടി എത്രകാലം നീണ്ടുനിൽക്കുമെന്ന കാര്യത്തിൽ അധികൃതർ ഇതുവരെ ഔദ്യോഗിക വിശദീകരണം നൽകിയിട്ടില്ല.
എങ്കിലും, നിലവിൽ ഈ ദിവസങ്ങളിൽ അഭിമുഖത്തിനായി സമയം അനുവദിച്ചിരുന്ന വ്യക്തികൾക്ക് അപ്പോയിന്റ്മെന്റുകൾ റദ്ദാക്കിയതായി കാണിച്ച് ഇമെയിൽ സന്ദേശങ്ങൾ ലഭിച്ചു തുടങ്ങിയിട്ടുണ്ട്. കുടിയേറ്റ നയങ്ങൾ കർശനമാക്കുന്നതിന്റെ ഭാഗമായാണ് ഈ നടപടിയെന്നാണ് വിലയിരുത്തപ്പെടുന്നത്.
അതേസമയം, അന്താരാഷ്ട്ര തലത്തിൽ മറ്റൊരു ദുരന്ത വാർത്ത കൂടി പുറത്തുവരുന്നുണ്ട്. നേപ്പാളിലെ ഭോട്ടെ കോശി നദിയിലുണ്ടായ ശക്തമായ മിന്നൽപ്രളയത്തിൽ എട്ടുപേർ മരണപ്പെട്ടതായി അധികൃതർ സ്ഥിരീകരിച്ചു.
സംഭവത്തിൽ നിരവധി ആളുകളെ കാണാതായിട്ടുമുണ്ട്. ടിബറ്റൻ അതിർത്തി മേഖലയിൽ നിന്നും കുതിച്ചെത്തിയ വെള്ളമാണ് നേപ്പാളിൽ വലിയ തോതിലുള്ള നാശനഷ്ടങ്ങൾ വിതച്ചത്.
രക്ഷാപ്രവർത്തനങ്ങളുടെ ഭാഗമായി നുവാകോട്ട്, ധാഡിങ് ജില്ലകളിൽ നിന്നായി ഇതുവരെ എട്ട് മൃതദേഹങ്ങൾ കണ്ടെടുത്തതായി സെൻട്രൽ പൊലീസ് അറിയിച്ചു. കാണാതായവർക്കായുള്ള തിരച്ചിൽ പുരോഗമിക്കുകയാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
