തിരുവനന്തപുരം: മധ്യപ്രദേശിനെതിരായ രഞ്ജി ട്രോഫി മത്സരത്തിൽ ഒരു ദിവസവും 9 വിക്കറ്റും ശേഷിക്കെ കേരളത്തിന് ജയിക്കാൻ 335 റൺസ് കൂടി വേണം. മധ്യപ്രദേശ് ഉയ‌ർത്തിയ 363 റൺസിന്റെ വിജയസക്ഷ്യം പിന്തുടർന്ന് ഇന്നലെ രണ്ടാം ഇന്നിംഗ്‌സിനറങ്ങിയ കേരളം കളിനിറുത്തുമ്പോൾ 28/1 എന്ന നിലയിലാണ്. ആദ്യ ഇന്നിംഗ്‌സിൽ റിട്ടയേർഡ് ഹർട്ടായ കേരളത്തിനറെ ബാബ അപരാജിത് രണ്ടാം ഇന്നിംഗ്‌സിൽ ബാറ്റിംഗിനിറങ്ങുമോ എന്ന കാര്യത്തിൽ വ്യക്തതയില്ല. മധ്യപ്രദേശ് രണ്ടാം ഇന്നിങ്സ് എട്ട് വിക്കറ്റിന് 369 റൺസെന്ന നിലയിൽ ഡിക്ലയർ ചെയ്യുകയായിരുന്നു.
ഇന്ത്യൻ താരങ്ങളായ രജത് പട്ടീദാറിൻ്റെയും ( 92) വെങ്കടേഷ് അയ്യരുടെയും (പുറത്താകാതെ 80) ബാറ്റിംഗ് മികവാണ് രണ്ടാം ഇന്നിങ്സിൽ മധ്യപ്രദേശിന് തുണയായത്.
കേരളത്തിന് വേണ്ടി ബേസിൽ എൻ.പി നാല് വിക്കറ്റ് വീഴ്ത്തി.
