ചില്ല. മികച്ച എഴുത്തുകള്‍ക്ക് ഒരിടം. സൃഷ്ടികള്‍ [email protected] എന്ന വിലാസത്തില്‍ അയക്കൂ. ഒപ്പം ഫോട്ടോയും ഫോണ്‍ നമ്പര്‍ അടക്കം വിശദമായ വിലാസവും അയക്കണം. എഡിറ്റോറിയല്‍ ബോര്‍ഡ് തെരഞ്ഞെടുക്കുന്ന സൃഷ്ടികള്‍ പ്രസിദ്ധീകരിക്കും
അപരിചിതം
പേരറിയാം
ഊരറിയാം
അതിനാല്‍
പരിചിതരെന്ന് പറയാം.
അതിനുമപ്പുറം
ഞാനും നീയുമെന്നതാരെന്നതറിയാത്ത
വെറുമപരിചിതരീ ഭൂവില്‍.
ചിറകാര്‍ന്നചിന്തകള്‍
നിറമുള്ള സ്വപ്നങ്ങള്‍
ഇതളടര്‍ന്ന മോഹങ്ങള്‍
നീറുന്ന മുറിവുകള്‍
വികാരവിചാരങ്ങള്‍
സങ്കല്പസൗധങ്ങള്‍
എല്ലാം ചേരുമൊരു ഹൃദയം.
ആരാരും കാണാതെ അകമേ
തുടിക്കുന്നു .
നീയറിഞ്ഞ ഞാനും
ഞാനറിഞ്ഞ നീയുമെന്നത്
വെറും മിഥ്യ.
ജീവിതപ്പെരുവഴിയില്‍
അന്തരമെന്തെന്നറിയാതെ
അന്ധരായ് അന്ത്യം വരെ
നാം പരസ്പരമെന്തോ തിരയുന്നു.
ആരെയുമറിയാതെ
ആരാരുമറിയാതെ
നാമീ മണ്ണില്‍ മരിച്ചു പോകുന്നു.
ഇവിടെ ക്ലിക്ക് ചെയ്താല്‍ വായിക്കാം, മികച്ച കഥകള്‍, മികച്ച കവിതകള്‍…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
