കുമരകത്ത് കാണാതായ ഹൗസ് ബോട്ട് ജീവനക്കാരൻ അനീഷിൻ്റെ മൃതദേഹം പുത്തൻ കായലിൽ കണ്ടെത്തി.
കുമരകം : ഇന്നലെ പുലർച്ചെ കാണാതായ ഹൗസ് ബോട്ട് ജീവനക്കാരൻ്റെ മൃതദേഹം പുത്തൻ കായലിൽ നിന്നും ഇന്നു രാവിലെ 9 ഓടു കൂടി കണ്ടെത്തി.
കുമരകം ലേക് റിസോർട്ടിന് സമീപം പുത്തൻ പുരയിൽ പി.കെ. അനീഷിൻ്റെ (45) മൃതദേഹമാണ് കണ്ടെത്തിയത്. ഹൗസ് ബോട്ടിലെ കുക്ക് ആയ ഇയാൾ കഴിഞ്ഞ രാത്രി മുതൽ പുലർച്ചെ രണ്ടു വരെ ഹൗസ് ബോട്ടിൽ ഉണ്ടായിരുന്നു.
ഇയാൾ പുലർച്ചെ വരെ ഫോൺ ഉപയോഗിച്ചിരുന്നു. പിന്നീട് ഇയാളെക്കുറിച്ച് യാതൊരു വിവരവും ലഭ്യമായിരുന്നില്ല. ബന്ധുക്കൾ ഗാന്ധിനഗർ പോലീസ് സ്റ്റേഷനിൽ പരാതി നൽകിയിരുന്നു.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
| |
ഫയർഫോഴ്സ് ജീവനക്കാരെത്തി മൃതദേഹം കരയ്ക്കെത്തിച്ചു. ലേക് റിസോർട്ടിന് സമീപം പുത്തൻപുരയിൽ കൃഷ്ണൻകുട്ടി രത്നമ്മ ദമ്പതികളുടെ മകനാണ് പി. കെ. അനീഷ് . ഏക സഹോദരൻ രാജേഷ്. പരേതൻ അവിവാഹിതനാണ്.
എങ്ങനെയാണ് മരിച്ചതെന്ന് വ്യക്തമല്ല. മൃതദേഹം പോസ്റ്റ്മോർട്ടം നടത്തിയാലേ മരണകാരണം വ്യക്തമാവുകയുള്ളു. പോലീസ് കേസ് രജിസ്റ്റർ ചെയ്ത് അന്യേഷണം ആരംഭിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
