ന്യൂഡൽഹി∙ അനധികൃത വാതുവയ്പ് റാക്കറ്റുകളുമായി ബന്ധപ്പെട്ട് കർണാടകയിലെ
എംഎൽഎ കെ.സി.വീരേന്ദ്ര പപ്പി അറസ്റ്റിലായ സംഭവത്തിൽ തെളിഞ്ഞത് രാജ്യാന്തര വാതുവയ്പ് റാക്കറ്റിനെ കുറിച്ചുള്ള വിവരങ്ങളെന്ന്
(ഇ.ഡി). രാജ്യവ്യാപകമായി രണ്ടു ദിവസം കൊണ്ട് നടത്തിയ പരിശോധനയിൽ സിക്കിമിൽ നിന്നാണ് പപ്പി അറസ്റ്റിലായത്.
ചിത്രദുർഗ മണ്ഡലത്തിൽ നിന്നുള്ള എംഎൽഎയാണ് വീരേന്ദ്ര പപ്പി.
വീരേന്ദ്രയുടെ വസതികളിലും സ്ഥാപനങ്ങളിലും പരിശോധനയിൽ 12 കോടി രൂപയും ഒരു കോടി മൂല്യമുള്ള വിദേശ കറൻസി, 6 കോടി രൂപ വിലമതിക്കുന്ന ആഭരണങ്ങൾ, 10 കിലോ വരുന്ന വെള്ളി വസ്തുക്കൾ, നാല് വാഹനങ്ങൾ എന്നിവ പിടിച്ചെടുത്തു. സിക്കിം, കർണാടക, രാജസ്ഥാൻ, മഹാരാഷ്ട്ര, ഗോവ എന്നിവിടങ്ങളിലുൾപ്പെടെ ഓഗസ്റ്റ് 22, 23 തീയതികളിലാണ് പരിശോധന നടന്നത്.
പപ്പീസ് കാസിനോ ഗോൾഡ്, ഓഷ്യൻ റിവേഴ്സ് കാസിനോ, പപ്പീസ് കാസിനോ പ്രൈഡ്, ഓഷ്യൻ 7 കാസിനോ, ബിഗ് ഡാഡി കാസിനോ തുടങ്ങി ഗോവയിലെ 5 കാസിനോകളെ കേന്ദ്രീകരിച്ചായിരുന്നു പ്രധാനമായും പരിശോധന.
രാജ്യാന്തരതലത്തിലുള്ള കാസിനോകളും ദുബായിലെ വാതുവയ്പ് കേന്ദ്രങ്ങളും ഉൾപ്പെടുന്ന അനധികൃത വാതുവയ്പ് ശൃംഖലയെക്കുറിച്ചുള്ള വിവരങ്ങൾ പരിശോധനയിൽ വെളിപ്പെട്ടതായി ഇ.ഡി ഉദ്യോഗസ്ഥർ പറഞ്ഞു.
‘കിങ്567’,‘രാജ567’ എന്നീ പേരുകളിലുള്ള രണ്ടു വാതുവയ്പ് വെബ്സൈറ്റുകൾ വീരേന്ദ്ര നടത്തിയിരുന്നു. ഇദ്ദേഹത്തിന്റെ സഹോദരൻ നാഗരാജിന് ദുബായിൽ ഗെയ്മിങ്, കോൾ സെന്റർ സർവീസ് രംഗങ്ങളിൽ പ്രവർത്തിക്കുന്ന 3 സ്ഥാപനങ്ങളുമുണ്ട്.
നാഗരാജിനെ ഇ.ഡി. ചോദ്യം ചെയ്യാൻ കസ്റ്റഡിയിലെടുത്തിട്ടുണ്ട്.
Disclaimer: വാർത്തയു‍ടെ കൂടെയുള്ള ചിത്രം ചിത്രം Facebook/kcveerendrapuppy, X/ED എന്നിവടങ്ങളിൽ നിന്ന് എടുത്തതാണ്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
