ക്രെറ്റയുടെ ആധിപത്യം അവസാനിക്കുമോ? കൂടുതൽ എതിരാളികൾ വരുന്നു

ഒരു ദശാബ്‍ദത്തിലേറെയായി ഹ്യുണ്ടായി ക്രെറ്റ ഇന്ത്യൻ വിപണിയിൽ വിൽപ്പനയ്ക്കുണ്ട്. ഇതുവരെ 1.2 ദശലക്ഷം യൂണിറ്റുകളുടെ വിൽപ്പന എന്ന നാഴികക്കല്ല് കൈവരിച്ചിട്ടുണ്ട് ക്രെറ്റ.

കാലങ്ങളായി ഈ മോഡൽ ഈ വിഭാഗത്തിൽ ആധിപത്യം പുലർത്തുന്നു. നിലവിൽ 31 ശതമാനത്തിലധികം വിപണി വിഹിതം ക്രെറ്റ സ്വന്തമാക്കിയിട്ടുണ്ട്.

വിൽപ്പന വർദ്ധിപ്പിക്കുന്നതിനായി ഹ്യുണ്ടായി ഈ വർഷം ആദ്യം തങ്ങളുടെ ആദ്യത്തെ മാസ്-മാർക്കറ്റ് ഇലക്ട്രിക് എസ്‌യുവിയായി ക്രെറ്റ ഇലക്ട്രിക്കിനെയും അവതരിപ്പിച്ചു. ക്രെറ്റ അതിന്റെ വിഭാഗത്തിൽ മുന്നിൽ തുടരുമ്പോൾ, നിലവിലുള്ളതും വരാനിരിക്കുന്നതുമായ നിരവധി മോഡലുകൾ വരും വർഷങ്ങളിൽ ക്രെറ്റയുടെ ആധിപത്യത്തെ വെല്ലുവിളിക്കാൻ ഒരുങ്ങുകയാണ്.

ഇലക്ട്രിക്, ഹൈബ്രിഡ് എസ്‌യുവികൾ ഉൾപ്പെടെ വരാനിരിക്കുന്ന ക്രെറ്റ എതിരാളികളുടെ ചില വിവരങ്ങൾ ഇതാ. മാരുതി എസ്ക്യുഡോ ക്രെറ്റയ്ക്ക് എതിരാളിയായി മാരുതി സുസുക്കിയുടെ രണ്ടാമത്തെ ഇടത്തരം എസ്‌യുവിയായിരിക്കും മാരുതി എസ്‌ക്യുഡോ.

2025 സെപ്റ്റംബർ 3 ന് പുറത്തിറങ്ങാനിരിക്കുന്ന എസ്‍ക്യുഡോ ഹൈബ്രിഡ് ഉൾപ്പെടെ മൂന്ന് പവർട്രെയിൻ ഓപ്ഷനുകളും നിരവധി സെഗ്‌മെന്റ് ഫസ്റ്റ് സവിശേഷതകളുമായാണ് വരുന്നത്. ടാറ്റ സിയറ ഐസിഇ ഹ്യുണ്ടായി ക്രെറ്റയുടെ എതിരാളികളായ എസ്‌യുവികളിൽ ഒന്നായ ടാറ്റ സിയറ അടുത്ത വർഷം ആദ്യം ഐസിഇ എഞ്ചിനുകളുമായി എത്തും.

ഇതിന്റെ ഇലക്ട്രിക് പതിപ്പ് 2025 ഒക്ടോബർ അല്ലെങ്കിൽ നവംബർ മാസങ്ങളിൽ വിൽപ്പനയ്‌ക്കെത്തും. ആധുനിക ഡിസൈൻ ഭാഷ, പ്രീമിയം ഇന്റീരിയർ, സവിശേഷതകൾ, ഒന്നിലധികം പവർട്രെയിൻ ചോയ്‌സുകൾ എന്നിവ ഉപയോഗിച്ച്, സിയറ ക്രെറ്റയ്ക്ക് ശക്തമായ ഒരു എതിരാളിയാകുമെന്ന് പ്രതീക്ഷിക്കുന്നു.

സ്കോഡ സൂപ്പർബ് ഫെയ്‌സ്‌ലിഫ്റ്റ്, ഫോക്‌സ്‌വാഗൺ ടൈഗൺ ഫെയ്‌സ്‌ലിഫ്റ്റ് 2026 ന്റെ തുടക്കത്തിൽ അപ്‌ഡേറ്റ് ചെയ്ത കുഷാഖ് , ടൈഗൺ എസ്‌യുവികൾ പുറത്തിറക്കാൻ സ്കോഡയും ഫോക്‌സ്‌വാഗനും ഒരുങ്ങുകയാണ്. നിലവിലുള്ള എഞ്ചിൻ സജ്ജീകരണങ്ങൾ നിലനിർത്തിക്കൊണ്ട്, രണ്ട് മോഡലുകൾക്കും അകത്തും പുറത്തും കുറഞ്ഞ അപ്‌ഡേറ്റുകൾ ലഭിക്കുമെന്ന് പ്രതീക്ഷിക്കുന്നു.

നിസാൻ ഡസ്റ്റർ അധിഷ്ഠിത എസ്‌യുവി, റെനോ ഡസ്റ്റർ മൂന്നാം തലമുറ റെനോ ഡസ്റ്ററും നിസാന്റെ റീബാഡ്‍ജ് ചെയ്ത പതിപ്പും 2026 ൽ ഇന്ത്യൻ റോഡുകളിൽ എത്തും. രണ്ട് മോഡലുകളും ഹൈബ്രിഡ്, പെട്രോൾ എഞ്ചിൻ ഓപ്ഷനുകളോടെയാണ് വരുന്നത്.

പുതുതലമുറ കിയ സെൽറ്റോസ് ക്രെറ്റയുടെ സഹോദര മോഡലായ കിയ സെൽറ്റോസിന് 2026 അല്ലെങ്കിൽ 2027 ൽ ആദ്യ തലമുറ അപ്‌ഗ്രേഡ് ലഭിക്കും. എസ്‌യുവി കാര്യമായി മെച്ചപ്പെട്ട

സ്റ്റൈലിംഗ്, കൂടുതൽ പ്രീമിയം ഇന്റീരിയർ, ഹൈബ്രിഡ് പവർട്രെയിൻ എന്നിവയുമായി വരുമെന്ന് പ്രതീക്ഷിക്കുന്നു . മഹീന്ദ്ര വിഷൻ എസ്-അധിഷ്‍ഠിത എസ്‌യുവി മഹീന്ദ്ര ആൻഡ് മഹീന്ദ്ര അടുത്തിടെ വിഷൻ എസ് കൺസെപ്റ്റ് എസ്‌യുവി പുറത്തിറക്കി.

ഇത് സ്കോർപിയോ കുടുംബത്തിലെ ഒരു പുതിയ എസ്‌യുവിയുടെ പ്രിവ്യൂ ആണ്. പ്രൊഡക്ഷൻ-റെഡി പതിപ്പ് ഹ്യുണ്ടായി ക്രെറ്റയുമായി ഇത് നേരിട്ട് മത്സരിക്കും.

മാരുതി ഇ വിറ്റാര, ടൊയോട്ട അർബൻ ക്രൂയിസർ ഇവി 2026 ക്രെറ്റ ഇലക്ട്രിക്കിനെ വെല്ലുവിളിക്കാൻ മാരുതി സുസുക്കിയും ടൊയോട്ട

കിർലോസ്‌കർ മോട്ടോറും (TKM) അടുത്ത വർഷം അവരുടെ ആദ്യ ഇലക്ട്രിക് മോഡലുകളായ – ഇ വിറ്റാര, അർബൻ ക്രൂയിസർ ഇവി എന്നിവ പുറത്തിറക്കും . രണ്ട് മോഡലുകളും പ്ലാറ്റ്‌ഫോം, പവർട്രെയിനുകൾ, ഡിസൈൻ ഘടകങ്ങൾ, സവിശേഷതകൾ എന്നിവ പങ്കിടും.

ഹോണ്ട എലിവേറ്റ് ഹൈബ്രിഡ് 2026 ദീപാവലി ക്രെറ്റ ഇലക്ട്രിക്കിന് നേരിട്ടുള്ള എതിരാളിയായി 2026 ഉത്സവ സീസണിൽ ഹോണ്ട

കാർസ് ഇന്ത്യ എലിവേറ്റ് ഹൈബ്രിഡ് അവതരിപ്പിക്കും ബിവൈഡി അറ്റോ 2 2026 മധ്യത്തോടെ ബിവൈഡി അറ്റോ 2 ഇന്ത്യയിൽ വിൽപ്പനയ്‌ക്കെത്തുമെന്ന് പ്രതീക്ഷിക്കുന്നു. ഇന്ത്യയിലെ ഏറ്റവും താങ്ങാനാവുന്ന വിലയുള്ള ബിവൈഡി മോഡൽ ആയിരിക്കും ഇത്, അടിസ്ഥാന വേരിയന്റിന് ഏകദേശം 18 ലക്ഷം രൂപ വില പ്രതീക്ഷിക്കുന്നു.

  …